जगदंबा लखमाई संस्थान पाथ्रड देवी येथे उत्सव व यात्रा.
जगदंबा लखमाई आईच्या दर्शनासाठी भक्तांची गर्दी.
चेतन पवार | सह्याद्री चौफेर
दारव्हा : तालुक्यातील पाथ्रड देवी येथे दिनांक २६/९/२०२२ ते दिनांक ५/१०/२०२२ पर्यंत भव्य यात्रेचे आयोजन संस्थेच्या वतीने करण्यात आले आहे. सोमवार आदिशक्ती माता जगदंबा लखमाई मंदिरात सकाळी ७ वाजता घटस्थापना संस्थेचे अध्यक्ष पदाधिकारी सदस्य व समस्त गावकरी मंडळी यांच्या हस्ते करण्यात आले आहे. ३० सप्टेंबरला अवधुती भजनी मंडळ पाथ्रड देवी यांचा अवधुती भजनाचा कार्यक्रम राहील. रात्री ७.३० ह.भ. प नामदेव महाराज वंदनीय राष्ट्रसंत तुकडोजी महाराज भजनी मंडळ बोरी गोसाई यांचा कार्यक्रम राहील. २ ऑक्टोंबरला रात्री ७.३० ह.भ.प कार्तिक महाराज राहणार खामलवाडी यांचे बंजारा भाषेत भजनाचा कार्यक्रम राहील. ३ ऑक्टोंबरला सायं. ६ वाजता होम पूजेचा कार्यक्रम राहील. व रात्री ७ वाजता ह भ प पवन महाराज खोडे इसापूर यांचे कीर्तन राहील. ४ ऑक्टोंबरला सकाळी आठ वाजता हरिनाम जप व दुपारी १२ वाजता दहीहंडीचा कार्यक्रम व महाप्रसादाचा कार्यक्रम राहील. व रात्री ७ वाजता महिला भजनी मंडळ बोरगाव यांचा भजनाचा कार्यक्रम राहील. ५ ऑक्टोबरला सकाळी ९ वाजता घट विसर्जन व पालखी ची भव्य मिरवणूक राहील. सोबत वारकरी भजनी मंडळ महागाव, बोदगव्हाण, पाथ्रड देवी तसेच सेवादास भजनी मंडळ पाथ्रड देवी तुकडोजी भजनी मंडळ व परिसरातील सर्व भजनी मंडळ तसेच एक दिवसीय कबड्डीचे प्रेक्षणीय खुले सामने या सामन्याचे प्रथम बक्षीस २१००० हजार मंडळातर्फे या सामन्याचे द्वितीय बक्षीस १५००० हजार रुपये मंडळातर्फे या सामन्याचे तृतीय बक्षीस १०००० हजार रुपये मंडळातर्फे या सामन्याचे चतुर्थ बक्षीस ७००० हजार रुपये कर्मचारी पाथरड देवी यांच्यातर्फे आहे. कबड्डी चे उद्घाटन ३ ऑक्टों. रोजी सकाळी १० वाजता जयसिंग राठोड सरपंच पाथ्रड देवी व सौ. पल्लवी संतोष गायकवाड पोलीस पाटील पाथ्रड देवी यांच्या हस्ते बक्षीस वितरण ३ ऑक्टोंबरेला सायंकाळी संस्थेचे अध्यक्ष व इतर पदाधिकारी व मान्यवर यांच्या उपस्थितीत संपन्न होईल.