कुमार अमोल | सह्याद्री चौफेर
(निवेदन देताना संघटनेचे पदाधिकारी )
नागपूर : शिवसंग्राम चित्रपट व सांस्कृतिक विभागाच्या विदर्भ अध्यक्षा मंगलाताई ठक यांच्या नेतृत्वात सुप्रसिद्ध दिग्दर्शक दीपक कदम यांच्या मार्गदर्शनात ही बैठक घेण्यात आली. या वेळी विदर्भातील नागपूर विभाग व नागपूर जिल्ह्याच्या काही नागरिकांची सदस्य म्हणून नियुक्ती करण्यात आली.
यात सदस्य आदित्य कापसे, अविनाश अरोरा, लीना पाटील, निकिता पानतावणे, विद्या खोब्रागडे, कल्पेश चव्हाण यांची नियुक्ती करण्यात आली. सोबतच नागपूर मध्ये चित्रपट सृष्टी मध्ये काम करणाऱ्या कलाकारांना काय अडचणी येतात व चित्रपट सृष्टी मध्ये काम करणाऱ्या लोकांसाठी काय मदत करता येईल या विषयावर सविस्तर चर्चा करण्यात आली.
नागपूर येथील चित्रपट महामंडळाचे ऑफिस फारच लहान आहे आणि नागपूर विभाग हा फार मोठा आहे. यासाठी ऑफिस मोठे प्रशस्त असावे तसेच चित्रपट मंडळाचे सभासद कुठूनही ऑनलाईन कथा व गाणे, आपले लिखाण रजिस्टर करू शकले पाहिजे. ती सुविधा ऑनलाईन असावी असे विषय घेऊन आज नागपूर चित्रपट महामंडळाचे कार्यालयास भेट देवून त्यांना निवेदन देण्यात आले.
या वेळी नागपूर चे नवनियुक्त अध्यक्ष दीपक कट्यारमल, कोष्याध्यक्ष अश्विनी धोटे, अतुल साखरे, आकाश मेश्राम हे उपस्थित राहून नियुक्त सभासदांचे अभिनंदन केले.