सह्याद्री न्यूज | प्रशांत चंदनखेडे
वणी, (ता.२६) : आरक्षणाचे जनक व थोर समाज सुधारक छत्रपती राजर्षी शाहू महाराज यांच्या जयंती निमित्त वणी एमआयडीसी परिसरातील राजर्षी शाहू महाराज हिंदी विद्यालयात अभिवादन कार्यक्रम घेण्यात आला. यावेळी समस्त शिक्षक व शक्षकेत्तर कर्मचारी उपस्थित होते. सर्वप्रथम शाहू महाराजांच्या प्रतिमेसमोर दिप प्रज्वलित करून त्यांच्या प्रतिमेला हारार्पण करण्यात आले. त्यानंतर उपस्थित सर्व शिक्षकवृंदांनी त्यांना अभिवादन करून त्यांच्या समाज सुधारणेच्या कार्यावर प्रकाश टाकला. त्यांची शिक्षणासाठीची तळमळ व त्यांनी वंचितांच्या शिक्षणासाठी घेतलेला पुढाकार तसेच शिक्षण क्षेत्रात सर्वप्रथम लागू केले आरक्षण ही त्यांनी केलेली सामाजिक उत्थानासाठीची क्रांती असल्याचे विचार यावेळी शिक्षकांनी व्यक्त केले. कार्यक्रमाच्या अध्यक्षस्थानी विद्यालयाच्या मुख्याध्यापिका शुभांगी चोपणे होत्या. कार्यक्रमाचे संचालन अनिता टोंगे यांनी केले. तर आभार प्रदर्शन सुनिल गेडाम यांनी केले.