सह्याद्री चौफेर | ऑनलाईन
चंद्रपूर : चंद्रपूर शहरापासून अवघ्या पाच ते सहा किलोमीटर अंतरावर असलेल्या मौजा विचोडा बु. येथे छत्रपती शिवाजी महाराज, महामानव डॉ. बाबासाहेब आंबेडकर आणि क्रांतिवीर बाबुराव शेडमाके विचार मंचतर्फे धम्म अनुप्रवर्तन दिन साजरा करण्यात आला. सामाजिक कार्यकर्ता तथा उपसरपंच श्री. अनिल भाऊ डोंगरे यांच्या पुढाकाराने आयोजित या कार्यक्रमात डॉ. बाबासाहेब आंबेडकर यांच्या विचारांना वंदन करत सामाजिक ऐक्याचा संदेश देण्यात आला.
कार्यक्रमाची सुरुवात मा. ऋतुजा मेश्राम (पोलीस शिपाई) यांच्या शुभहस्ते महामानव डॉ. बाबासाहेब आंबेडकर यांच्या फोटोचे पूजन व माल्यार्पण करून झाली. यावेळी प्रदेश उपाध्यक्ष, भारतीय जनता युवा मोर्चा महाराष्ट्र श्री. प्रमोद जाधव, सौ. लीनाताई साव, श्री. रोशन रामटेके, श्री. बाळू साव, श्री. वसंता महाले, श्री. दानेश्वर पिंगे, श्री. प्रशांत साव, श्री. प्रवीण कुलमेथे, श्री. पांडू कुलमेथे, श्री. विशाल महाले, श्री. कमलाकर रामटेके, श्री. दत्तू मेश्राम, श्री. दादू मेश्राम, श्री. प्रशांत पिंगे, श्री. रितेश बोबडे, श्री. मारुती पिंगे आणि श्री. राजू डोंगरे आदी मान्यवरांची प्रामुख्याने उपस्थिती होती.
कार्यक्रमादरम्यान उपस्थित मान्यवरांनी डॉ. बाबासाहेब आंबेडकर यांच्या प्रतिमेला अभिवादन करून त्यांच्या कार्याची आठवण केली. समाजातील ऐक्य, शिक्षण आणि बंधुभाव या मूल्यांना अनुसरून चालण्याचा संकल्प व्यक्त करण्यात आला. भाविक वातावरणात धम्म परंपरेचे महत्त्व अधोरेखित करणारे भाषणही करण्यात आले.
कार्यक्रमाच्या शेवटी भोजनदानाचे आयोजन करण्यात आले, ज्यामध्ये शेकडो नागरिकांना प्रसादरूपाने भोजनदान देण्यात आले. हा कार्यक्रम यशस्वी करण्यासाठी श्री. पवन डोंगरे, श्री. अर्जुन डोंगरे, श्री. संदीप ठाकरे, श्री. गोविंदा गणफुले आणि श्री. आकाश कुलमेथे यांनी अथक परिश्रम घेतले. कार्यक्रमाचे सुयोग्य नियोजन व सामाजिक सलोख्याचे वातावरण यामुळे धम्म अनुप्रवर्तन दिनाची ही साजरी अविस्मरणीय ठरली.