करुणा गावंडेंची राज्यस्तरीय उपक्रमशील शिक्षक पुरस्कारासाठी निवड!

सह्याद्री न्यूज | किरण घाटे

चंद्रपूर : सुमतीबाई गोरे ट्रस्टच्या वतीने आयोजित राज्यस्तरीय उपक्रमशील शिक्षक पुरस्कार नुकताच जाहीर झाला आहे. त्यात राजूरा पंचायत समिती अंतर्गत येत असलेल्या आर्वी जिल्हा परिषद उच्च प्राथमिक शाळेच्या शिक्षिका करुणा गावंडे- जांभुळकर यांची निवड झाली आहे.

सदरहु पुरस्कार सोहळा येत्या १६ जानेवारीला पुणेच्या उद्यान कार्यालय सदाशिव पेठ -३०येथे ग्लोबल टीचर अवॉर्ड विजेते रणजितसिंह डिसले यांच्या प्रमुख उपस्थितीत तथा जेष्ठ सामाजिक कार्यकर्ते सुभाष वारे यांच्या अध्यक्षतेखाली संपन्न होत आहे. स्वतःतील गुणवत्तावाढ, सामाजिक व शैक्षणिक कार्यातील वेगळेपणा, साहित्यिक सहभाग व विद्यार्थी विकासातील वेगळे प्रयोग व केलेले प्रयत्न या निकषांच्या आधारे ही निवड करण्यात आली आहे. या साठी राज्यभरातील एकूण २१ शिक्षकांची निवड समितीद्वारे करण्यात आली असुन वरील निवडीत शिक्षिका करुणा गावंडे - जांभुळकर यांचीही निवड झाली आहे. त्यांना हा पुरस्कार जाहिर झाल्यामुळे त्यांच्यावर सर्वत्र अभिनंदनाचा वर्षाव हाेत आहे.