बेपत्ता इसमाचा आढळला मृतदेह, मृत्यूचे कारण गुलदस्त्यात

सह्याद्री न्यूज | प्रशांत चंदनखेडे 

वणी : मागील पाच दिवसांपासून घरुन बेपत्ता अडलेल्या इसमाचा आज 12 डिसेंबरला कोरंबी (मारेगाव) येथिल जनता शाळेजवळील झुडपात मृतदेहच आढळून आल्याने एकच खळबळ उडाली आहे. मारेगाव (कोरंबी) येथिल रहिवासी असलेला हा इसम 7 तारखेला घरुन बेपत्ता झाला होता. 9 डिसेंबरला त्याच्या वडिलाने मुलगा बेपत्ता झल्याची तक्रार पोलिस स्टेशनला नोंदविली होती. तेंव्हा पासुन त्याचा शोध सुरु होता. आज त्याचा मृतदेहच आढळून आल्याने एकच खळबळ माजली आहे. 

मारेगाव (कोरंबी) येथे परिवरासह राहणारा संतोष वसंतराव काळे (35) हा 7 डिसेंबरला अचानक घरुन बेपत्ता झाला. कुटुंबियांनी त्याचा सर्वत्र शोध घेतल्यानंतर 9 डिसेंबरला त्याचे वडिल वसंतराव गंगाधार काळे यांनी मुलगा बेपत्ता झल्याची तक्रार पोलिस स्टेशनला नोंदविली. तेंव्हा पासुन पोलिस त्याचा शोध घेत होते. दरम्यान आज कोरंबी येथिल जनता शाळेजवळील झुडपात त्याचा मृतदेहच आढळूनआला. त्यामूळे पंचक्रोशीत एकच खळबळ उडाली आहे. त्याचा मृत्यु नेमका कशामुळे झाला, हे आद्यापही गुलदसत्यात आहे. त्याच्या मृत्यूचे रहस्य उलगडण्याचा पोलिस प्रयत्न करित आहे.

पुढील तपास ठाणेदार श्याम सोनटक्के यांच्या मार्गदर्शनात एपिआय माया चाटसे करित आहे.