"त्या" घटनेची पोलिसात तक्रार दाखल हॊताच, संशयित आरोपीवर गुन्हा दाखल..

सह्याद्री न्यूज | कुमार अमोल 

मारेगाव : आज शुक्रवार ला सकाळी जिल्हा परिषद सदस्य अनिल देरकर यांच्यावर मारेगाव येथील राहुल सूर याने वेगाव येथे दगडाने हल्ला चढविला. या घटनेची तक्रार सायंकाळी दिल्यानंतर संशायित आरोपी राहुल सूर यांचेवर गुन्हा दाखल करण्यात आला.

तालुक्यातील वेगाव येथील रहिवाशी काँग्रेस चे जिल्हा परिषद सदस्य अनिल देरकर हे सकाळी सव्वा नऊ च्या दरम्यान, बाहेर जाण्यासाठी दुचाकी वर बसले. दुचाकीने मागावून येत राहुल सूर याने मोठा दगड देरकर यांच्या डोक्यावर मारला. दुचाकी बाजूला सारून देरकर यांना चक्कर येत असतांना सूर ने दुसऱ्यांदा दगडाचा प्रहार केला. यात अनिल देरकर यांच्या पायाला इजा झाली. त्याच क्षणी राहुल सूर हा घटनास्थळावरून पसार झाला. जखमीवस्थेत देरकर यांना मारेगाव रुग्णालयात प्राथमिक उपचार करून पुढील उपचारार्थ चंद्रपूरला हलविले होते.

प्रकृतीत काहीशी सुधारणा झाल्यागत स्वतः देरकर यांनी राहुल सूर (32) याचे विरोधात सायंकाळी मारेगाव पोलिसात तक्रार दाखल केली. प्राणघातक हल्ल्याची गंभीरता पाहून घटनास्थळावरून पोलिसांनी दगड जप्त केला. संशायित आरोपी राहुल जनार्धन सूर रा.शांती नगर मारेगाव याचेवर जिवेमारण्याचा प्रयत्न, कलम ३०७ अन्वये गुन्हा दाखल करण्यात आला. पोलीस निरीक्षक राजेश पुरी व पोलीस पथक संशायित आरोपीच्या शोधात आहे.

आरोपी तात्काळ अटक करून या घटनेची निःपक्ष चौकशी करावी  :

"सामाजिक व राजकीय द्वेषातून माझ्यावर हा प्राणघातक हल्ल्याचा कट रचण्यात आला.

जरी सूर याने हल्ला केला असला तरी, याचा करविता वेगळाच असल्याचा आरोप अनिल देरकर यांनी माध्यमातून केला."