कोरपना, (५ जुलै) : गडचांदूर नगरपरिषदेच्या अडेल कारभाराने शहरातील शैक्षणिक विद्यार्थ्यांना लागणारे कागदपत्रे वेळेवर मिळत नसल्याने विद्यार्थ्यांचे शैक्षणिक नुकसान होत आहे.
नवीन शैक्षणिक वर्षाला सुरुवात झाली, नवीन प्रवेशासाठी लागणारे प्रमाणपत्र मिळण्यासाठी विद्यार्थ्यांना स्थानिक नगर परिषदेकडून कर निर्धारण, नमुना ८ अ या सारख्या विविध दाखल्यांचे आवश्यकता आहे. मात्र, दाखले मिळवण्यासाठी चालू वर्षाचा कर भरल्याशिवाय कोणतेही दाखले देणार नाही अशी गडचांदूर नगरपरिषदेच्या अडेल तट्टू कारभाराने विद्यार्थ्यांना वेळेत दाखले न मिळाल्याने विद्यार्थ्यांचे शैक्षणिक नुकसान होत आहे. या अडेल कारभाराने पालक वर्गाला आपल्या मुलांची शैक्षणिक नुकसान होण्याची चिंता वाटत असल्याचा प्रकार समोर आला.
मारोती चापले यांनी मुलीच्या शैक्षणिक कामासाठी जातीचा दाखला काढण्यासाठी गडचांदूर नगरपरिषदेचा कर निर्धारण, नमुना आठ अ मिळण्यासाठी दिनांक २ जुलै रोजी अर्ज केला. चार दिवसांनी कर निर्धारण सत्यप्रत काढले. मात्र, सत्यप्रत सही करण्यासाठी नगर परिषद येथील अजिंक्य वानमोरे या अधिकाऱ्यांनी चालू वर्षाचा कर भरल्याशिवाय सत्यप्रत मिळणार नाही असे उत्तर अर्जदाराला दिले असून, अशा अडेल तट्टू धोरणाने विद्यार्थ्यांचे नुकसान होणार नाही का? असा प्रश्न नागरिकातून उपस्थित होत आहे.
गेल्या मार्च पर्यंतचे कर भरलेले आहे. सदर अर्जदाराचे मालमत्तेचे कर मार्च महिन्यापर्यंत भरलेले असून, चालू आर्थिक अर्ध वर्ष पूर्ण होण्यापूर्वीच चालू वर्षांचा कर दिल्याशिवाय कागदपत्रे मिळणार नाही. असे नियम नागरीकांवर लादले जात आहे. यामुळे पालक वर्गात आक्रोश आहे.
या दरम्यान, चालू आर्थिक वर्षाचा किमान अर्धा तरी कर भरल्याशिवाय कर, कर निर्धारण, नमुना ८ मिळणार नाही. अशी तानाशाई अजिंक्य वानमोरे करनिर्धारण अधिकारी नगर परिषद गडचांदूर यांची असल्याचे बोलले जात आहे. त्यामुळे नागरिकांनी कशाप्रकारे आपल्या पाल्याना शिकवायचे असे मनोगत येथील सामाजिक कार्यकर्ते मारोतराव चापले यांनी दिलेल्या निवेदनातून म्हटले आहे.