मारेगाव : चंद्रपूर जिल्हा बॉडीबिल्डिंग असोसिएशनच्या वतीने आयोजित ताडोबा चंद्रपूर श्री चॅम्पियनशिप २०२५ स्पर्धेत मारेगाव तालुक्यातील अभिषेक भैय्याजी कनाके यांनी चतुर्थ स्थान प्राप्त करुन मानाचे स्थान पटकाविले आहे.
अभिषेक भैयाजी कनाके हे मारेगाव तालुक्यातील पहापळ येथील रहिवाशी असुन या होतकरू युवकाने २१ डिसेंबर २०२५ रोजी बॉडीबिल्डिंग असोसिएशन ऑफ चंद्रपूर जिल्हा, चंद्रपूर द्वारे आयोजित जिल्हास्तरीय पुरूष 55 किलो ग्रॅम ओपन बॉडीबिल्डिंग चॅम्पियनशिप चंद्रपूर श्री २०२५ मध्ये सहभागी झालेल्या खेळाडूंमध्ये चतुर्थ स्थान पटकाविले असून पुरूषांच्या शरीरयष्टी आणि शरीर सौष्ठव क्रीडा क्षेत्राच्या प्रचारासाठी त्यांनी दिलेल्या समर्पित आणि समर्पित सेवेची दखल घेत सन्मान करण्यात आला. त्याने केलेल्या कामागिरीने अभिषेकवर कौतुकाचा वर्षाव होत आहे.
अभिषेक कनाके या युवकाने गेल्या अनेक दिवसापासून या स्पर्धेसाठी मेहनत घेतली होती.अथक परिश्रमानंतर हे यश त्यांना मिळाले आहे. अभिषेक आपल्या यशाचे श्रेय वडील भैय्याजी कनाके, आई सौ. छाया कनाके व त्याचे प्रशिक्षक अमित गट्टूवार यांना दिले.