सह्याद्री चौफेर | ऑनलाईन
मारेगाव : अतिपावसामुळे आधीच मेटाकुटीस आलेल्या आणि कापूस–सोयाबीन पिकांच्या नुकसानीने होरपळलेल्या मारेगाव तालुक्यातील शेतकऱ्यांना आता वीज यंत्रणेच्या अडचणींनी आणखी संकटात ढकलले आहे. मौजा नवरगाव येथील रामटेके यांच्या घरासमोरील डीपी गेल्या अनेक दिवसांपासून नादुरुस्त असून repeated तक्रारी व कार्यालयीन चकरा मारूनही एमएसईबीकडून कोणतीही दखल घेतली जात नसल्याचा आरोप शेतकऱ्यांनी केला आहे.
या संदर्भात शेतकरी विलास रायपुरे यांनी मा. उपकार्यकारी अभियंता, महाराष्ट्र राज्य विद्युत वितरण कंपनी, मारेगाव यांना निवेदन सादर केले असून हे निवेदन आमदार संजयभाऊ देरकर यांच्या मार्फत पुढे पाठविण्यात आले आहे. तसेच संबंधित अधिकाऱ्यांवर तातडीने कारवाई करून डीपी त्वरित बदलून देण्याची मागणी करण्यात आली आहे.
नादुरुस्त डीपीवरून विलास रायपुरे, जीवन रामटेके, हर्षल शेंडे, नाना शेंडे, भारत ठोंबरे, पिंटू गाऊत्रे, नितीन लडके आणि बदुद्दीन विराणी या शेतकऱ्यांच्या मोटार पंपांना वीजपुरवठा होत असून गहू–हरभरा पेरणीच्या तोंडावर सिंचन ठप्प झाले आहे. मशागतीला लागलेले शेतकरी विजेअभावी हवालदिल झाले असून पेरणीला उशीर झाल्यास आणखी मोठे आर्थिक नुकसान होणार आहे.
शेतकऱ्यांचे म्हणणे आहे की, “एमएसईबीच्या वेळकाढूपणामुळे आणि अडेलतट्टू धोरणामुळे आम्हाला नाहक मनस्ताप सोसावा लागत आहे. repeated सूचना देऊनही डीपीची दुरुस्ती होत नाही, ही अत्यंत खेदाची बाब आहे.”
या सर्व परिस्थितीचा विचार करून तीन दिवसांच्या आत डीपी बदलून न दिल्यास तीव्र स्वरूपाचे आंदोलन छेडण्याचा इशारा शेतकऱ्यांनी निवेदनातून दिला आहे.
निवेदनाची प्रत अधिक्षक अभियंता, यवतमाळ तसेच कार्यकारी अभियंता, पांढरकवडा यांनाही पाठविण्यात आली आहे.