सह्याद्री चौफेर | ऑनलाईन
30 सप्टेंबर रोजी बालविकास प्रकल्प कार्यालय, मारेगाव येथे झालेल्या मुलाखतीत तालुक्यातील पेंढरी, खंडणी (गावपोड), म्हैसदोडका (गावपोड), हिवरी (गावपोड) येथील रिक्त पदांसाठी उमेदवारांची निवड करण्यात आली. शासनाने विशेष नियमांनुसार, ज्या वस्तीत किंवा तांड्यात 50 टक्क्यांपेक्षा अधिक मुले एकाच जमातीची असतील, त्या भाषेत पारंगत उमेदवारालाच प्राधान्य देण्याचा निर्णय घेतला आहे. यामुळे मुलांशी त्यांच्या मातृभाषेत संवाद साधणे सुलभ होणार असून त्यांच्या शिक्षणात मोठी प्रगती अपेक्षित आहे.
या मुलाखतीसाठी कोलामी बोलीचे तज्ञ म्हणून तालुक्यातील शिक्षक पैकुजी आत्राम, वासुदेव टेकाम आणि सुरेश आत्राम यांची नेमणूक करण्यात आली होती. भरती प्रक्रियेत 15 अंगणवाडी सेविका व 15 मदतनीस उमेदवार सहभागी झाले होते. बोलीभाषेला मिळालेल्या या प्रोत्साहनामुळे आदिवासी समाजात शैक्षणिक दर्जा उंचावण्याबाबत नवा विश्वास जागृत झाला आहे.