वणीत हॉटेलमध्ये भीषण आग,संपूर्ण साहित्य जळून खाक

सह्याद्री चौफेर | ऑनलाईन 

वणी : शहरातील साई मंदिर चौकात भीषण आगीची घटना घडली आहे. नांदेपेरा मार्गावरील एका हॉटेलला भीषण आग लागल्याची माहिती मिळताच अग्निशमन दलाची गाडी घटनास्थळी पोहोचली. या आगीच्या घटनेनंतर परिसरात एकच खळबळ उडाली आहे. या आगीच्या घटनेचे व्हिडीओ सोशल मीडियावर व्हायरल होत आहेत. ज्यात आगीचे लोळ भीषण दिसत होते.

मिळालेल्या माहितीनुसार, शहरातील साई मंदिर चौक रसोई हॉटेल मध्ये ही आग लागल्याचे समजते. गुरुवार दि. 27 ला रात्री 1 ते 1.30 वाजता च्या दरम्यान ही आग लागल्याचे बोलल्या जात आहे. आग लागल्याने काही वेळ मोठा गोंधळ निर्माण झाला. या आगीत हॉटेलमधील संपूर्ण साहित्य जळून खाक झाले. सुदैवाने या आगीत कुठलीही जीवतहानी झाली नसल्याचे वृत्त समोर आले नाही. मात्र, ही आग नेमकी कशी लागली हे अद्याप समजू शकले नाही.

 

ही आग गुरुवार मध्यरात्रीच्या वेळी लागली होती. आग लागल्यानंतर अवघ्या काही मिनिटांमध्ये तिथे पोलीस प्रशासन दाखल झाले त्यांनी अग्निशमन दल पाचारण केले आणि आग नियंत्रणात आणली. अग्निशमन दलाच्या प्रयत्नांनी ही भीषण आग आटोक्यात आणल्याने मोठा अनर्थ टळला. मात्र, हॉटेलमध्ये मोठा स्फ़ोट झाल्याची चर्चा आहे. 

घटनेचा व्हिडीओ पहा :