तहसील कार्यालयात बोगस कर्मचाऱ्याचा सुळसुळाट

सह्याद्री चौफेर | ऑनलाईन 

वणी : येथील तहसील कार्यालयातील बोगस कर्मचाऱ्याचा सुळसुळाट असल्याची तक्रार युवासेना उपजिल्हा प्रमुख अजिंक्य शेंडे यांनी उपविभागीय अधिकारी यांना निवेदनातून केली. 

शेंडे यांनी उपविभागीय अधिकाऱ्यांना दिलेल्या निवेदनात तहसील कार्यालयातील परिस्थितीचा पाढाच वाचला आहे. राकेश लक्षेट्टीवार नामक व्यक्तीचा तहसील कार्यालयात सतत वावर असतो. मीच अधिकारी असल्याचे बतावणी करून काम करतो. दुकानदारांची धान्य मंजूर करून देणे, दुकानदाराची पुर्ण रेकॉर्ड आपल्या जवळ ठेवणे, ऑनलाईन चे कामे, नावे कमी, जास्त करणे, नविन राशन कार्ड तयार करणे, यासह विविध बोगस कामे करणे असे निवेदनात नमूद आहेत. सदर व्यक्तीला या अगोदर सुद्धा काढलं होतं परत त्यांचा वावर दिसत असल्यामुळे कारवाई करून कार्यालयातून काढून टाकावे असेही निवेदनात म्हटलं आहे. 

निवेदन देताना धनराज येसेकर, संजोग झाडे, अंकुश येसेकर, अमोल आरेल्लवार,सुरेश शेंडे, अनिल ढगे, मंगल भोंगळे, सूजल जुमडे, गणेश आरेल्लवार, बबलू मेश्राम आदी उपस्थित होते.