गटविकास अधिकारी व्हनखंडे यांनी केली विकासपूर्व कामांची पाहणी

सह्याद्री चौफेर | कुमार अमोल 

मारेगाव : पंचायत समिती मारेगाव अंतर्गत येत असलेल्या पिसगांवाला कोरोडो रुपयांचा विविध कामासाठी निधी मंजूर झाला असून त्या विकासपूर्व कामाची पाहणी पंचायत समिती कार्यालयच्या वतीने आज करण्यात आली.

यावेळी गट विकास अधिकारी भीमराव व्हनखंडे, गटशिक्षण अधिकारी स्नेहदीप काटकर,ता. कृषी अधिकारी संदीप वाघमारे, पं स शाखा अभियंता उमाटे, जि. प. अभियंता ठावरी, घुमे साहेब, देठे बाबू यासह ग्रामपंचायत सदस्य सदाशिव मेश्राम, माजी उपसरपंच मारोती गौरकार, शाळा सुधार समिती चे सभापती व सदस्य तसेंच ग्रामपंचायत सरपंच व सदस्य उपस्थित होते. 

यात प्रामुख्याने शाळेच्या वर्ग खोल्या, गावातील कांक्रेटचे रोड, ग्रामपंचायत भवन चा समावेश आहे. लवकरच या मंजूर कामाची सुरुवात होणार आहे. तसेंच कृषी मार्फत छत्रपती शिवाजी महाराज बचत गटाला ९० टक्के अनुदानित ट्रॅक्टर वाटप केले. त्यामुळे गावात होणाऱ्या सर्व कामामुळे पदाधिकाऱ्यांसह गावाकऱ्यामध्ये आनंदाचे वातावरण निर्माण झाले आहे. 

पिसगाव गावामध्ये मंजूर कामाची सुनिश्चित करण्यासाठी पायाभूत सुविधांमध्ये सुधारणा करण्यासाठी पावले उचलली जात आहेत, असे माजी उपसरपंच मारोती गौरकार म्हणाले.

यावेळी स्थानिक स्वराज्य संस्थांचे प्रतिनिधी आणि तालुका विभागीय अधिकारी तथा गावकरी उपस्थित होते.