विधान सभेच्या निडणुक होणार, पण जिल्हा परिषद व पंचायत समितीच्या कधी!

सह्याद्री चौफेर | कुमार अमोल 

मारेगाव : विधान सभेच्या निवडणुकीचे पडघम अवघ्या काही दिवसात वाजणार असून त्या निमित्ताने निवडणूक आयोग तयारीला लागला आहे. पण गेल्या काही वर्षापासुन जिल्हा परिषद व पंचायत समिती च्या निवणुका झाल्या नसल्याने कार्यकर्त्यात नाराजीचा सुर पहावयास मिळत आहे. एक प्रकारे ग्रामीण भागातील विकास कामाला ब्रेक लागल्याने विकास आता भकाश झाल्याचे आढळून येत आहे. जिल्हा परिषद व पंचायत समिती वर पदाधिकारी नसल्याने शासकिय अधिकारी व कर्मचाऱ्यांवर कोणाचा ही वचक उरला नसल्याचे मनमनीचे प्रमाण वाढले आहे. जिल्हा परिषद व पंचायत समिती एक प्रकारे विकासाचा पाया मानल्या जातो. कार्यकर्त्याना ही विकास कामे पूर्ण करण्यासाठी बल मिळते तर, जिल्हा परिषद सदस्य यांना विकासाची कामे करण्यासाठी विशेष निधी उपलब्ध करून देण्यात येते. त्यामुळे ग्रामीण भागातील अनेक रस्ते, ईमारत व विविध प्रकारचे कामे या माध्यमातून केल्या जातात तर, पंचायत समितीच्या सभापतीचे लक्ष अनेक विभागाच्या कडून होणाऱ्या कामा वर असते. पण गेल्या काही वर्षापासून जिल्हा परिषद व पंचायत समिती सदस्य पदाच्या सार्वत्रिक निवडणुका लागल्या नसल्याने ही पदे रिक्त आहेत. लोकप्रतिनि ही या निडणुकी कडे कानाडोळा करत असल्याने या निवडणुकांचा आता शासनालाही विसर पडल्याचे दिसून येत आहे. विधान सभेच्या निवडणुका पूर्वी जिल्हा परिषद व पंचायत समिती सदस्यच्या निवडणुका जाहीर करण्यात याव्यात यासाठी जनता आग्रही भूमिकेत असल्याचे दिसून येत आहे. गत काही वर्षापासून जिल्हा परिषद व पंचायत समितीचे काम रामभरोसे सुरु आहे.अनेक गावातील जिल्हा परिषदेच्या प्राथमिक शाळा बंद होण्याच्या मार्गावर असून शिक्षक नसल्याने आता गरीब मुलांनी शिक्षणासाठी जावे कुठे?असा प्रश्न पालकांना पडला आहे. कृषी विभाग मनमानीने वागत असल्याने शेतकरी अडचणीत सापडला आहे. त्यांना शासनाच्या योजनेचा लाभ घेण्यासाठी जिवाचे रान करावे लागत आहे.जिल्हा परिषदे व पंचायत समिती सदस्य होण्याचे स्वप्न पाहणाऱ्या कार्यकर्त्याला आणखीन किती काळ वाट पाहावी लागणार, असा प्रश्न कार्यकर्त्यांना पडला असून निवडणूक विभागाने याची तत्काळ दखल घेउन विधान सभेच्या निवडणुका पूर्वी जिल्हा परिषद व पंचायत समितीच्या सार्वत्रिक निवडणुका जाहीर करण्यात याव्या अशी मागणी जनतेतून होत आहे.