कानडा येथे वटपौर्णिमा पूजन

सह्याद्री चौफेर | वृत्तसंस्था 

मारेगाव : आज दिनांक 19/6/2024 ला कानडा येथे वृक्ष पूजन व वटवृक्ष लग्न सोहळा उत्सहात पार पडला. या महोत्सवात झाडांचे संगोपन करणाऱ्या दाम्पत्यांचा शाल व श्रीफळ देऊन सत्कारही करण्यात आला. 

सरपंचा सुषमा रुपेश ढोके यांच्या संकल्पनेतून हा उपक्रम गावकर्यांनी लोकसहकार्यातून यशस्वीरित्या साजरा केला. या निमित्ताने वट वृक्षाचे लग्न विधिवत पूजन करून वृक्षाचे महत्व, व त्याचे संवर्धन कसे करावे यावर विशेष मार्गदर्शन करण्यात आले. तसेच वृक्ष प्रेमी प्रमोद झिले, उत्तम येवले, रामचंद्र येवले, पंचफुला आत्राम यांचा सत्कार केला. 

वट पौर्णिमा पूजन व लग्न सोहळ्यात सुरज येवले, मुरली येवले, हरिश्चंद्र डाहूले, पंढरी येवले, प्रमोद धोबे, प्रशांत आस्कर, निलेश ढोके, अमोल झिले, किशोर मंदे उपसरपंच,रूपेश ढोके व समस्त गावकरी उपस्थित होते.