मारेगाव तालुक्यात 5 ग्रामपंचायतीचे निकाल जाहीर, अनेक ठिकाणी धक्कादायक निकाल

सह्याद्री चौफेर | वृत्तसंस्था 

मारेगाव : तालुक्यातील पाच ग्रामपंचायतीचे सार्वत्रिक निवडणुकांचे निकाल जाहीर झाले. यात अनेक ठिकाणी धक्कादायक निकाल लागले असून, प्रस्थापितांना हादरा सुद्धा बसलेला आहेत. काही ठिकाणी प्रस्थापितांना धक्का तर नवख्यांना संधी मिळाल्याचे दिसत आहे.

घोडदरा ग्रामपंचायत मध्ये सरपंच पदी सुनंदा अशोक आत्राम या 394 मतदान घेऊन निवडून आल्या असून सोनी श्रीराम चांदेकर 224 यांचा त्यांनी पराभव केला. प्रभाग क्रमांक एक मध्ये सर्वसाधारण मधुन आशिष बंडू कोहळे, सर्वसाधारण स्त्री शितल अमित परसूटकर विजयी झाले. प्रभाग क्रमांक तीन मध्ये प्रदीप विठ्ठल मेश्राम अनुसूचित जमाती आणि नलू मोरेश्वर धोबे सर्वसाधारण स्त्री हे विजयी झाले घोडदरा ग्रामपंचायत मध्ये तीन जागा ह्या बिनविरोध निवडून आल्या असून यात विमल भाऊराव उईके अनुसूचित जमाती स्त्री,प्रवीण सूर्यभान आत्राम अनुसूचित जमाती तर विमल भाऊराव उईके बिनविरोध निवडून आल्या.          

खडकी बुरांडा ग्रामपंचायत मध्ये सरपंच रंगूबाई दादाराव आत्राम ह्या 286 मतदान घेऊन निवडून आल्या तर त्यांचे विरोधी सविता पांडुरंग कुळमेथे यांना 244 मते मिळाली. तर प्रभाग क्रमांक एक मध्ये कार्तिक महादेव उईके अनुसूचित जमाती,रंगुबाई दादाराव आत्राम अनुसूचित जमाती स्त्री तर सर्वसाधारण स्त्री मधून नीलिमा अजाब काळे या निवडून आलेले आहे. प्रभाग क्रमांक दोन मधून शुभांगी गजानन आडे अनुसूचित जमाती स्त्री, मंगला संदीप हुसुकले सर्वसाधारण स्त्री तर प्रभाग क्रमांक तीन मधून कार्तिक महादेव उईके अनुसूचित जमाती,दत्ता सदाशिव तिखट सर्वसाधारण हे निवडून आलेले आहे.

             

  

गोंड बुरांडा ग्रामपंचायत मध्ये काट्याची लढत दिसून आली. यात लता शशिकांत उईके या 443 मतदान घेऊन सरपंच पदी आरूढ झाल्या तर प्रभाग क्रमांक एक मधून अमोल अधिकराव पेंदोरे अनुसूचित जमाती, गीता मंगल तोडासे, अनुसूचित जमाती महिला, मंगला अरुण शेंद्रे सर्वसाधारण स्त्री या निवडून आलेल्या आहेत. तर प्रभाग क्रमांक दोन मध्ये सुनील हरिश्चंद्र देऊळकर सर्वसाधारण मधून तर अनुसया भारत शेडमाके अनुसूचित जमाती महिला मधून निवडून आले. प्रभाग क्रमांक तीन मध्ये सुरज मंगल तोडासे अनुसूचित जमाती तर सुचिता चिंतामण पारखी सर्वसाधारण स्त्री मधून निवडून आलेले आहे.

म्हैसदोडका ग्रामपंचायत मध्येही अशीच काट्याची लढत पहावयास मिळाली सरपंच म्हणून ललिता मारुती तुराणकर या 408 मतदान घेऊन विजयी झाल्या तर प्रभाग क्रमांक एक मध्ये अय्या काशीराम आत्राम, अनुसूचित जमाती प्रेमिला रवींद्र टेकाम अनुसूचित जमाती महिला,सारिका नरेश तुराणकर सर्वसाधारण महिला निवडून आल्या.प्रभाग क्रमांक दोन मध्ये जीवन शंकर डाखरे सर्वसाधारण, निर्मला अय्या आत्राम अनुसूचित जमाती स्त्री मधून निवडून आले.तर प्रभाग क्रमांक तीन मधून विठ्ठल सुरेश टेकाम अनुसूचित जमाती, वैशाली देहराज अडबाले सर्वसाधारण स्त्री मधून निवडून आलेले आहे.

हटवांजरी ग्रामपंचायत मध्येही अजब गजब लढत पाहावयास मिळाली. एकूण सात जागेसाठी झालेल्या मतदानापैकी फक्त दोन ठिकाणी मतदान झालं. दोन जागा बिनविरोध निवडून आल्या तर तीन जागा अजूनही रिक्त आहेत.यात गणेश मारुती कुळमेथे प्रभाग क्रमांक एक अनुसूचित जमातीमधून निवडून आले प्रभाग क्रमांक तीन मधून निखिल पांडुरंग कालेकर सर्वसाधारण म्हणून निवडून आले तर अनुसूचित जमाती स्त्री सर्वसाधारण स्त्री आणि अनुसूचित जमाती स्त्री या तीन जागा रिक्त आहे. तर शारदा गजानन कालेकर आणि गणेश मारुती कुळमेथे हे अनुसूचित जमाती मधून बिनविरोध निवडून आलेले आहे.