धारदार शस्त्र बाळगून दहशत निर्माण करणाऱ्या दोन तरुणांना वणी पोलिसांनी केली अटक

सह्याद्री चौफेर | वृत्तसंस्था 

वणी : पोलीस स्टेशन च्या काही अंतरावर असलेल्या वन विभागाचे कार्यालयाजवळ दोन तरुण हातात धारधार शस्त्र घेऊन सार्वजनिक ठिकाणी दहशत निर्माण करीत असल्याची माहिती पोलिसांना मिळाल्याने पोलिस पथक घटनास्थळ गाठून त्या दोन तरुणांना अतिशय शिताफीने आज 6 नोव्हेंबर रोजी दुपारी साडेचार वाजता सुमारास पकडून ताब्यात घेतले.

आरोपी शैलेश उर्फे शंकर साईनाथ बावणे (25) रा. चिंचोली ता. राजुरा जिल्हा. चंद्रपुर, तर बादल राजेश दुपारे (२५)  रा.कोढान्यवाडी, वणी असे दहशत निर्माण करणाऱ्याचे नाव आहे.

दरम्यान, आरोपी जवळून एक तलवार व एक सत्तुर तसेच एक मोटारसायकल असा मुद्देमाल जप्त करण्यात आला. सदरची कारवाई उपविभागीय पोलिस अधिकारी गणेश किन्द्रे, पोलिस निरीक्षक अजित जाधव यांच्या मार्गदर्शनाखाली डि.बी.पथकाचे प्रमुख सपोनि माधव शिंदे, सफौ. सुदर्शन वानोळे, पंकज उंबरकर, विशाल गेडाम, मो. वसिम, गजानन कुडमेथे यांनी केली.

वणी शहरात गेल्या काही महिन्यापासून धारदार शस्त्र बाळगण्याचे प्रमाण तरुणांईत दिसून येत असून, अशा घटना दिवसेंदिवस ऐकण्यात वाचण्यात येत असल्यामुळे जणू काही शस्त्र बाळगुण दहशत निर्माण करण्याची स्पर्धा लागली की, काय? हा चिंतेचा विषय असल्याचे,असे नागरिकांतून चर्चील्या जात आहे.