वणीत उद्या काँग्रेस कमिटीच्या वतीने बाईक रॅली व समारोपिय सभेचे आयोजन

सह्याद्री चौफेर | वृत्तसंस्था 

वणी : काँग्रेस नेते राहुल गांधी यांनी भारत जोडो यात्रा काढत लक्ष वेधून घेतले होते. त्याच धर्तीवर प्रदेश काँग्रेसने 3 ते 12 सप्टेंबर दरम्यान जनसंवाद पदयात्रा काढण्याचे घोषित केले आहे. याच धर्तीवर काँग्रेसतर्फे प्रत्येक वणी विधानसभा क्षेत्रात जनसंवाद पदयात्रेचे आयोजन करण्यात आले आहे. या जनसंवाद यात्रेला दिनांक 4 सप्टेंबर रोजी झरी येथुन सुरुवात झाली.

मारेगाव, झरी आणि वणी अशा तीनही तालुक्याचा दौरा करून या यात्रेचा मंगळवारी दिनांक 12 सप्टेंबर रोजी वणी येथे भव्य समारोप होणार आहे. त्यानिमित्त रंगनाथ स्वामी मंदिरातून दुपारी 2 वाजता बाईक रॅली निघणार आहे. तर शेतकरी मंदिरात दुपारी 4 वाजता समारोपीय कार्यक्रम होणार आहे.या समारोपीय कार्यक्रमाला प्रमुख वक्ते म्हणून काँग्रेसचे प्रदेश प्रवक्ते प्रवीण देशमुख तर,प्रमुख पाहुणे म्हणून माजी आमदार वामनराव कासावार यांची उपस्थिती असणार आहे.

समोरोपीय कार्यक्रमाला मोठ्या संख्येने वणी विधानसभा क्षेत्रातील नागरिकांनी सहभागी व्हावे असे आवाहन पदयात्रेचे मुख्य समन्वयक डॉ. लोढा यांनी केले.

महागाई, बेरोजगारी, महिलांवरील अत्याचार, पिकविमा, शेतक-यांचे विविध प्रश्न, धार्मिक सलोखा तसेच स्थानिक मुद्याबाबत नागरिकांशी संवाद साधण्यासाठी काँग्रेस कमिटी च्या वतीने वणी विधानसभा क्षेत्रात जनसंवाद यात्रा काढण्यात आली. दि. 4 सप्टेंबर रोजी झरी तालुक्यातून या जनसंवाद यात्रेला सुरुवात झाली. यात्रेने 4 आणि 5 सप्टेंबर या दोन दिवसात मुकुटबन आणि पाटण विभागाचा दौरा केला आहे. 

दि.6 सप्टेंबर रोजी यात्रा मारेगाव तालुक्यात पोहोचली. बुधवार व गुरुवारी यात्रेने मार्डी आणि वेगाव या दोन विभागातील अधिकाधिक गावांचा दौरा केला. काँग्रेसचे जेष्ठ नेते नरेंद्र पा ठाकरे, अरुणाताई खंडाळकर तालुका अध्यक्ष मारोती गोहोकर, सभापती गौरीशंकर खुराणा, यु.काँ.ता. अध्यक्ष आकाश बदकी, महिला अध्यक्ष मालाताई गाडगे इत्यादींच्या प्रमुख उपस्थितीत ही यात्रा झाली. तर 8 ते 11 सप्टेंबर पासून ही यात्रा वणी तालुक्यात आहे. वणी विभागातील  भालर-लालगुडा, शिंदोला व कायर विभागातील विविध गावात ही यात्रा पोहोचली. प्रत्येक गावात रॅलीचे उत्स्फुर्तपणे स्वागत करण्यात आले. या यात्रे दरम्यान, नागरिकांशी संवाद साधून त्यांच्या समस्या जाणून घेता आल्या. या यात्रेमुळे वणी विधानसभा क्षेत्रात एक पॉझिटिव्ह वातावरण निर्माण झाले. उद्या दिं 12 सप्टेंबर ला दुपारी 2 वाजता रंगनाथ स्वामी मंदिरातून बाईक रॅली निघणार आहे. चिखलगाव, गणेशपूर या गावात पोहोचल्यानंतर दुपारी 4 वाजता या रॅलीचा शेतकरी मंदिरात समारोप होणार आहे. त्यानंतर शेतकरी मंदिरात समारोपीय सभा होणार आहे.

या बाईक रॅली व समारोपीय कार्यक्रमाला मोठ्या संख्येने उपस्थित राहावे असे आवाहन अ‍ॅड. देविदास काळे, पुरुषोत्तम आवारी, जयसिंग गोहोकर, संजय खाडे, तेजराज बोढे. विवेक मांडवकर, प्रमोद वासेकर, वंदना आवारी, विजया आगबत्तलवार, आशा टोंगे, सविता ठेपाले, ओम ठाकूर, शालिनी रासेकर यांच्यासह वणी विधानसभा काँग्रेस कमिटी, महिला काँग्रेस, काँगेस सेवादल, युवक काँग्रेस व सर्व फ्रंटल संघटनाच्या संयुक्त विद्यमाने केले आहे.