सह्याद्री चौफेर | कालू रामपुरे
आज बुधवार २ ऑगस्ट २०२३ रोजी उपजिल्हा रुग्णालय, वरोरा येथे प्रसुतीपूर्व आणि प्रसूतीपश्चात बायकांना तसेच त्यांच्या नातेवाईकांना स्तनपान विषयी आरोग्य शिक्षण देण्यात आले. दरम्यान, रुग्णालयातील प्रत्येक कर्मचाऱ्यांनी वेगवेगळ्या विषयावरती आरोग्याचे मार्गदर्शन केले.
यामध्ये सप्ताहात सहभागी झालेल्या आरोग्य कर्मचारी वंदना बरडे (सहाय्यक अधिसेविका) यांनी स्तनपान देतानाच्या पोझिशन आणि बाळासोबत संवाद कसा साधावा त्या बद्दल माहिती दिली. संगीता नकले (परिसेविका) यांनी मातेच्या पूरक आहाराविषयी मार्गदर्शन केले.
प्रियांका दांडेकर (अधिपरीचारिका) यांनी स्तनपान विषयी संपूर्ण माहिती दिली. अंकिता टोंगे (अधिपरीचरिका) यांनी ६ महिन्यांनंतर बाळाला पूरक आहाराबद्दल समजावून सांगितले.
अश्विनी बागडे (अधिपरीचारिका) यांनी स्तनपान चे फायदे काय याबाबत सांगितले. ढोक मॅडम (आहारतज्ज्ञ) यांनी पूरक आहारामध्ये काय काय द्यावे आणि काय देऊ नये याबद्दल याचे माहिती दिली. मुक्ता मुंडे (अधिपरीचारिका) यांनी कांगारू मदर केअर बद्दल सविस्तर माहिती दिली.तर वंदना बुरेवार यांनी कांगारू मदर केअर विषयी प्रात्यक्षिक करून दाखविले.