सह्याद्री चौफेर | वृत्तसंस्था
मारेगाव : तालुक्यातील ग्रामपंचायतच्या निवडणूका पार पडल्या आणि सरपंच उपसरपंच व सदस्य यांनी सत्ता हाती घेतली. त्यामुळे ग्रामस्थांना आपले गांव, वार्ड आता सुधारेल अशी आशा लागली आहे. मात्र,काही ग्रामपंचायतीचे निर्णायक कामे अजूनही वार्ड निहाय नागरिकांना दिसत नसल्याने आता गांव कारभाऱ्याना आठवण करून देत वनोजा येथील वार्ड क्र. 3 च्या रहिवाशियांनी ग्रामपंचायत सरपंचा यांना निवेदन सादर केले.
निवडणूक पार पडली, आता स्थानिकांच्या अपेक्षा वाढल्याने येथील जनतेला सुविधा मिळाव्या म्हणून सरपंचांना निवेदन देण्यात आले. आमचा प्रश्न मार्गी लावावा, यासाठी वार्ड क्रमांक 3 मधील नागरीकांनी आग्रही साकडेही घातले आहे. जर ह्या शुल्लक मागण्या मान्य न झाल्यास, मारेगाव पंचायत समिती समोर लोककशाही मार्गाने आंदोलन करावे लागेल, असा गर्भीत ईशाराही निवेदनातून देण्यात आला आहे.
या निवेदनावर सतीश मिलमिले, रोशन शिंदे, विठ्ठल पिदूरकर, तारा रमजान शेख, युवराज गाताडे, मोहन देवाळकर, नागेश वालकोंडावार, सोपान ठाकरे, प्रतिभा महाकुलकार, नंदा आत्राम, देविदास पाटील, नसीमा शेख, गौरव नगराळे सह इतर नागरिकांच्या सह्या आहेत.
..