मनसैनिकांनी वृक्षारोपण करून केला राजसाहेब यांचा वाढदिवस साजरा

सह्याद्री चौफेर | कुमार अमोल 

मारेगाव : येथील महाराष्ट्र नवनिर्माण सेनेच्या वतीने हिंदूजननायक तथा महाराष्ट्र नवनिर्माण सेनेचे संस्थापक अध्यक्ष राजसाहेब ठाकरे यांचा वाढदिवसाच्या निमित्त साई मंदीर येथील जागेत वृक्ष लावून मनसैनिकांनी वाढदिवस साजरा करण्यात आला. 

वाढदिवसाचे औचित्य साधून जिल्हा उपाध्यक्ष संतोष भाऊ रोगे यांच्या नेतृत्वात मारेगाव येथील साई मंदीर येथे मराठी माणसाचा बुलंद आवाज तथा हिंदूजननायक, महाराष्ट्र नवनिर्माण सेनेचे अध्यक्ष राजसाहेब ठाकरे यांचा वाढदिवस वृक्षारोपण करून साजरा करण्यात आला. या अनुषंगाने  वाढदिवसानिमित्त होणारा अनाठाई खर्च टाळून मारेगाव पक्ष संघटनेच्या वतीने येथील साई मंदीर येथे निंब, करंजी, तसेच इत्यादी प्रजातीच्या वृक्षाचे रोपण करून त्यांचा वाढदिवस साजरा केला. या निमित्ताने समस्त मनसैनिकांनी राजसाहेब यांना उदंड आयुष्य लाभोत अशी ईश्वरास प्रार्थना करित शुभेच्छा दिल्या.

यावेळी संतोष रोगे, सुरज नागोसे, आदित्य बुचे, शेख नबी, अनंता जुमळे, गजानन चंदनखेडे, चांद बहादे तसेच महाराष्ट्र नवनिर्माण महिला सेनेच्या सौ प्रतिभाताई तातेड, सौ. सिंधूताई बेसकर, नगरसेवक अंजु नबी शेख, सौ. संगीताई सोनुले, सौ बेबीताई आत्राम ईत्यादी सह तालुक्यातील समस्त मनसैनिक उपस्थित होते.