मारेगाव मध्ये पोलिसांनी केले रूटमार्ट

सह्याद्री चौफेर | वृत्तसंस्था 

मारेगाव : बकरी ईद आणि गुरुपौर्णिमेच्या सणाच्या पार्श्‍ववभूमीवर मारेगाव पोलिस निरीक्षक राजेश पुरी यांच्या नेतृत्वाखाली मारेगाव शहरातील मुख्य मार्गाने पोलिसांनी रुट मार्च काढला.

शहरात उत्सव काळात शांतता राहावी, कोणताही अनुचित प्रकार घडू नये याबाबत दक्ष राहत पोलिसांनी महत्वाच्या रस्त्यावरुन हा रुट मार्च काढला. आगामी बकरी ईद संबंधाने कायद्या व सुव्यवस्था अबाधित राहावी याकरिता पोलीस स्टेशन मारेगांव शहर हद्दीतील मार्डी चौक, डॉ. आंबेडकर चौक, गौशिया मज्जिद व नगर पंचायत या मुख्य मार्गाने रूट मार्च काढण्यात आले. यावेळी पोलिस उपनिरीक्षक, पोलीस अंमलदार व होमगार्ड रूटमार्च करीता आदिसह पोलीस कर्मचारी उपस्थित होते.

 पोलिसांच्या पथकाने शहरातील विविध ठिकाणी रूट मार्च करून कोणत्याही परीस्थिला सामोरे जाण्यासाठी सज्ज असून कायदा व सुव्यवस्था चोख असल्याची ग्वाही त्यांनी या माध्यमातून दिली आहे.