सह्याद्री चौफेर | उमेश गोलेपल्लीवार
चिमूर : नेरी खांबाडा मार्गावरील पांढरवाणी फाट्याजवळ आज सायंकाळी 7.30 ते 8 वाजता च्या दरम्यान एका दुचाकीस्वराने पायी चालणाऱ्या इसमाला मागून धडक दिल्याने झालेल्या अपघातात दुचाकीस्वार सहित इसम गंभीर जखमी झाले असून दोघेही नेरी प्राथमिक आरोग्य केंद्रात उपचार घेत आहेत.
साविस्तर वृत्त असे की सिंदेवाही तालुक्यातील धुमनखेडा येथील कमलाकर सावसाकडे वय 35 वर्षे हे सायंकाळी 6 वाजता दुचाकीने चिमूर समोरील शेंडेगाव येथे कामानिमित्त जाण्यासाठी निघाले असता नेरीजवळील पांढरवाणी फाट्याजवळ अंदाजे आठ वाजता दरम्यान पायी चालणाऱ्या इसमाला मागून जोरदार धडक दिली, यात दुचाकी स्वार सहित इसम गंभीर जखमी झाले सदर घटनेची माहिती मिळताच तात्काळ दोन्ही जखमींना प्राथमिक आरोग्य केंद्रात उपचारासाठी दाखल केले सदर जखमींची प्रकृती ही धोक्याच्या बाहेर असल्याचे वृत्त कळले असून वृत्त लिहिपर्यंत नेरी येथील पायी चालणाऱ्या जखमी इसमाचे नाव कळू शकले नाही.