मच्छिन्द्रा येथील मयूर कुमरे यांचे निधन

विवेक तोडासे | सह्याद्री चौफेर 

मारेगाव : मच्छिन्द्रा येथील आकाश श्रीकृष्ण कुमरे यांचे लहान भाऊ मयुर श्रीकृष्ण कुमरे यांचे काल सायंकाळी ८:४५ वाजता च्या दरम्यान दुःखद निधन झाले. मृत्यू समयी त्याचे २४ वर्षाचे वय होते.

काल चुलत बहिणीच्या मुलाचा वाढदिवस होता त्याने दिवस भरात केक आणि डीजे ची व्यवस्थाही केली. सायंकाळी कार्यक्रम सुरु झाला सर्व पाहुणे मित्र मंडळी आनंदाने गाण्याच्या तालावर थिरकू लागले. सर्व जन डीजेचा आनंद घेत होते, त्यात मयुरही डिजे च्या तालावर बेधुंद नाचला, अशातच ८:१५ वाजता अचानक त्याच्या छातीत दुखू लागल्याने त्याला ताबडतोब तालुक्याच्या ठिकाणी घेऊन जात असतांना वाटेतच त्याचे निधन आणि कुमरे परिवारावर दुःखा चे डोंगर कोसळले.

मनमिळाऊ स्वभावाने परिचित असलेले चोवीस वर्षीय मयुर च्या अचानक निधनाने गावात हळहळ व्यक्त होत आहे.

त्याच्या पश्चात आई,मोठा भाऊ आकाश कुमरे, बंटी  (शुभम) असा आप्त परिवार आहे.

आज मयुर यांचे पार्थिवर १ वाजता अंत्यसंस्कार करण्यात आला. यावेळी तालुक्यातील असंख्य नागरिकांच्या उपस्थितीत श्रद्धांजली वाहण्यात आली.