सह्याद्री न्यूज | प्रशांत चंदनखेडे
मागील अडीज महिन्यांपासून एसटी कर्मचाऱ्यांचा संप सुरु आहे. त्यामुळे डेपोमध्येही सन्नाटा पसरलेला आहे. बहुतांश एसटी बसेस या आगारातच उभ्या आहेत. त्यामुळे चोरट्यांनी आपला मोर्चा आता एसटी डेपोकडे वळविला आहे. डेपो मधील बसचे लोखंडी पार्ट्स व बसच्या दुरुस्ती करिता उपयोगात येणारे लोखंडी साहित्य चोरी करण्याचा सपाटाच चोरट्यांनी लावला आहे. एसटी डेपोमध्ये चार सुरक्षा रक्षक तैनात असतांना देखील त्यांच्या डोळ्यात धूळ झोकून चोरटे आपला डाव साधत आहे. चार दिवसांत चोरट्यांनी १० हजार रुपये किमतीचे पार्ट्स व ईतर लोखंडी साहित्य लंपास केले आहे. गेअर बॉक्स उतरविण्याकरिता वापरण्यात येणारी घोडी दोन, लोखंडी पट्टी एक, हब ड्रम एक, टायर डिक्स व रिंग तथा लोखंडी वस्तू असा एकूण १० हजार रुपये किमतीचा मुद्देमाल चोरटयांनी लंपास केल्याची तक्रार वणी आगाराचे व्यवस्थापक सुमेध सखाराम टिपले (३९) रा. वासेकर ले-आऊट यांनी पोलिस नोंदविली आहे. त्यांच्या तक्रारी वरून पोलिसांनी अज्ञात चोरट्यांविरुद्ध भादंवि च्या कलम ३७९ नुसार गुन्हा दाखल केला आहे.
पुढील तपास ठाणेदार श्याम सोनटक्के यांच्या मार्गदर्शनात पोलिस करित आहे.
भुरट्या चोरांचा धुमाकूळ सुरूच, एसटी डेपो मधिल लोखंडी साहित्य केले लंपास
Reviewed by सह्याद्री चौफेर
on
January 25, 2022
Rating:
Reviewed by सह्याद्री चौफेर
on
January 25, 2022
Rating:
