लाखापूर येथील युवकाने केली गळफास घेऊन आत्महत्या

सह्याद्री न्यूज | कुमार अमोल 

मारेगाव : मारेगाव पोलीस स्टेशन अंतर्गत येत असलेल्या लाखापूर येथील एका (22 अंदाजे) वर्षीय युवकाने आपल्या राहत्या घरात गळफास घेऊन आत्महत्या केल्याची घटना दुपारी 1 वाजताच्या दरम्यान घडली.

विठ्ठल सुनील कनाके रा. लाखापूर असे गळफास घेऊन आत्महत्या करणाऱ्या युवकाचे नाव आहे. प्राप्त माहितीनुसार तो एकटा घरीच होता त्याचे आईवडील बाहेर गावी गेले होते. त्याने आपल्या राहत्या घरात गळफास घेऊन आत्महत्या केली. घटनेची माहिती मारेगाव पोलीस स्टेशन ला देण्यात आली. पोलीस घटनास्थळी दाखल होऊन पंचनामा करण्यात आल्यानंतर मृत्यूदेह शवविच्छेदनासाठी मारेगाव रुग्णालयात पाठविण्यात आल्याचे माहिती आहे.

विठ्ठलच्या आत्महत्या चे कारण अस्पष्ट असून त्याच्या पाठमागे आई वडील दोन बहिणी असा आप्त परिवार आहे.

पुढील तपास मारेगाव पोलीस करीत आहे.