"बापू ,पुन्हा तुम्ही यावे! "

                 बापू ,पुन्हा तुम्ही यावे! 

सत्याग्रह आणि अहिंसा 

या शस्त्रांना घेवुनी यावे 

या शस्त्रांचे शास्त्र सांगण्यास 

बापू , पुन्हा तुम्ही यावे ॥ 

जिकडेतिकडे सुसाट वारे 

आहेत सारी दिशाहीन 

ह्या वाऱ्यांना दिशा द्यायला 

बापू , पुन्हा तुम्ही यावे ॥ 

ज्या मानवतेला दिला आधार 

ती अजुनही जातीच्या बंधनात 

त्या जातीची बंधने तोडायला 

बापू , पुन्हा तुम्ही यावे ॥ 

तुम्ही सांगून गेले , स्त्री मातेसमान 

पण , कित्येक निर्भया जातात बळी 

त्या निर्भयांना न्याय द्यायला 

बापू , पुन्हा तुम्ही यावे ॥ 

खुर्चीसाठी सारे काही 

देशासाठी काही नाही 

विचारावे तुम्ही या नेत्यांना 

बापू , पुन्हा तुम्ही यावे ॥ 

वाट पहाती सारे 

मोकळा श्वास घेण्यास 

कोंडलेल्या श्वास मुक्त करण्यास 

बापू , पुन्हा तुम्ही यावे ॥ 

सौ.मेघा सुरेश भांडारकर 

गिरोला, भंडारा 

स .क्र .०४३