मातृत्वाचा सन्मान: जगी तिची किर्ती

आई म्हणजे वात्सल्य

ज्ञान वैराग्याची मूर्ती

नाही तसे हो दैवत 

 जिची जगी असे किर्ती ||१||

बाळ हाक मारी आई 

माता सृजन सामर्थ्य 

सेवा तिची करूनिया 

सर्व साधा परमार्थ ||२||

 

शिवबाची जिजामाता

देई स्वराज्याचे धडे 

शान राखण्या राज्याची 

जिंकी गडावर गडे ||३||

 

ज्ञानसूर्य जोतीराव 

घडविले सावित्रीने 

केला उद्धार स्त्रियांचा

जपे अनाथा मायेने ||४||

  

क्रांतीसुर्य भीमराव 

शिल्पकार भारताचे 

त्याग करता रमाई 

बाप झाले जनतेचे ||५||

असे जो आईजवळी

त्याला मिळे हो सर्वस्व

ज्याची आई वृद्धाश्रमी

त्याचे मिटती वर्चस्व ||६||

डॉ. स्मिता निशिकांत मेहेत्रे, अयोध्यानगर,नागपूर

सदस्या - सहज सुचलं काव्यकुंज

मो.नं.- ९८२३४१४८६५