राजू कुडे म्हणतात... वाहतूक अपघात तपास प्रकरणात चंद्रपूर पोलिसांची कामगिरी संशयास्पद!

सह्याद्री न्यूज | किरण घाटे

चंद्रपूर, (४ ऑक्टो.) : चंद्रपूर शहरात मागील काही दिवसांत झालेल्या वेगवेगळ्या अपघातातील संबधित आरोपी पोलीस तपासा नंतर सुध्दा मिळत नसल्याने जनतेच्या मनातून पोलीस प्रशासनावरील विश्वास उडत चाललेला आहे. 

शहरातील बाबुपेठ येथे दोन वेगवेगळया अपघातात दोन व्यक्तींचा प्राण गेला त्यात एक महिला आणि एका पुरुषाचा समावेश होता. दोन आठवडे लाेटुन सुध्दा संबंधित आरोपीचा पाेलिसांना शोध लागलेला नाही.

एका प्रकरणात अपघात होताना घटना स्थळावरील ट्रॅक्टर शोरुमच्या सीसीटीव्ही कॅमेरेत चित्र प्रत्यक्षात दिसत असून वाहन क्रमांक दिसत नसल्याचे कारण पुढे केले जात असल्याचे मृतकाचे नातेवाईकांचे म्हणणे आहे.

शहरात प्रत्येक चौकात सीसीटीव्ही कॅमेरे असून सुध्दा आरोपीचा शोध न लागणे ही फार मोठी शोकांतिका अाहे .आता तर पोलिसांच्या कामगिरी वरच प्रश्न चिन्ह निर्माण होत असल्याचे आपचे शहर सचिव राजु शंकरराव कुडे यांनी एका प्रसिध्दीला दिलेल्या निवेदनात म्हटले आहे.

  दरम्यान उपरोक्त सर्व बाबींचा जाब विचारायला आणि पोलिसांच्या कामात पारदर्शकता आणण्यां करिता आम आदमी पार्टी बाबुपेठच्या एका शिष्ट मंडळाने नुकतीच चंद्रपुरचे पोलीस अधिक्षक यांची भेट घेतली व त्यांना एक निवेदन दिले .

या वेळी आपचे शहर सचिव राजु शंकरराव कुडे, बाबुपेठ प्रभाग महिला संयोजिका सुजाता बोदेले, पिडीत परिवारातील सदस्य सुमित रायपूरे, निखिल बारसागडे, जयदेव देवगडे, चंदु माडूरवार, सुखदेव दारुनडे, प्रविण चूनारकर, जयंत थूल, बाबाराव खडसे, सय्यद अश्रफ, अंजू रामटेके, ऐश्वर्या वासनिक, शंकर निखाडे, कालिदास ओरके, शैलेश सोनकुसरे,आदीं पदाधिकारी व सदस्यगण उपस्थित होते.