सह्याद्री न्यूज | नंदकुमार मस्के
महागांव, (०१आक्टो.) : दिनांक ३०/९/२०२१ रोजी किसान सभेनी तालुक्यातील विविध क्षेत्रातील अतुलनीय कामगिरी करणाऱ्या तिन भुमीपुत्राचा एकाच मंचावर गौरव करुन त्यांचे मनोबल वाढविण्याचे काम केले, बाजार समिती च्या प्रांगणात हे शानदार कार्यक्रम आयोजित करण्यात आले होते.
कार्यक्रमाच्या अध्यक्षस्थानी शेतकरी चळवळीत काम करणारे किसान सभेचे नेते अॅड, कॉ. डी.बी. नाईक होते. सर्व प्रथम वाकान येथील अविनाश सवाई राठोड यांचा डी.बी.नाईक मा.सभापती पं.स.महागाव यांचे हस्ते गौरव शाल, श्रीफळ व पुष्पगुच्छ देवुन करण्यात आले यावेळी गौरव मुर्ती अविनाश यांनी मनोगत व्यक्त करताना जीवाचीपर्वा न करता, दहागाव येथील एस. टी. अपघातात (पुरात ) वाहुन जात असलेल्या प्रवाशांचे प्राण वाचविले. या धाडसी युवकाने मदत करत असताना जात, धर्म, न पाहता केवळ मानव समाज या एकाच उद्देशाने मी हे काम केले, असे उद्गगार काढताच उपस्थितीतांनी टाळ्यांच्या गजरात त्यांचे स्वागत केले.
सेवा नगर येथील गरिब कुटुंबातील कबड्डीपटू सुवर्ण पदक विजेता राजकुमार भिकु जाधव या दुसऱ्या नवयुवकांचा कॉ. देवीदास मोहकर मा.जिल्हा परिषद सदस्य यांच्या हस्ते शाल श्रीफळ व पुष्पगुच्छ देवुन गौरव करण्यात आले. यावेळी राजकुमार यांनी आपल्या आर्थिक कठीण परिस्थिती मध्ये उमरखेड ते रोहतक हरियाणा राष्ट्रीय स्तरापर्यंत (वयोगट २२ वर्ष) ऑलराउंडर खेळाडू चा प्रवास व महाराष्ट्र चमुचे नेत्रुत्व करुन गोल्ड मेडल प्राप्त करून राज्याला सन्मान मिळवून दिले पुढे बोलताना भविष्यात आंतरराष्ट्रीय खेळाडू बनण्याची मनिषा जाहीर करतात उपस्थिताचे स्वाभिमानाने उर भरुन आले.
शेवटी वयोगट केवळ १७ कबड्डीपटू बेलदरी येथील अमण संदीप आडे यांचा श्री मोहन पांडे यांच्या हस्ते शाल, श्रीफळ, पुष्पगुच्छ देवुन गौरव करण्यात आले. बेलदरी येथील पाटील घराण्यातील चमकता तारा यानेही रोहतक हरियाणा येथील राष्ट्रीय स्तरावर प्रविण जाधव कबड्डीपटू यांचे योग्य मार्गदर्शनात राज्य चमुचे कप्तानी करून रौप्यपदक मिळविले व भविष्यात देशपातळीवर नेत्रुत्व करण्याचे चिमुकल्या अमनने मनोगत व्यक्त करताच या वाक्याने सर्वांना एक वेगळीच उर्जा मिळाली.
यानंतर प्रा, शरदचंद्र डोगरे सरांनी बोलताना सत्कार्याचाच सत्कार होतो,धन व संपतीधारकांचा नाही, यापुढे आम्ही सर्व जन अविनाश, राजकुमार, अमन यांच्या अडचणी त आवाज द्या, सदैव तत्पर राहून मदत करु असे म्हटले. सोबतच कॉ. देवीदास मोहकर यांनी या तिन्ही नवतरुणाचा शौर्यवान व तालुक्याची शान जाहीर करुन तुम्ही तालुक्यातील नवतरुणाचे आदर्श व्हा आम्ही सर्वतोपरी मदत करु असे अभिवचन दिले.
कार्यक्रमात प्रमुख पाहुणे, उमरखेडचे श्री.देवहरी पवार, नि. बॅक अ.प्रा. शरदचंद्र डोगरे,सामाजिक कार्यकर्ते, श्री मोहन पांडे मा, उपसरपंच भांब, कॉ.नाना पानपट्टे, कॉ.गणेश तिघलवाड, कॉ. विनोद आडे, कॉ. प्रकाश ढगे, कॉ. बाळासाहेब रणमल्ले, कॉ. कैलास राठोड, बाळु राठोड, अंकुश आडे, सह अनेक जन उपस्थित होते. कार्यक्रमाचे सुत्रसंचालन दिपकराव देशमुख ता. अध्यक्ष किसान सभा यांनी केले आणि कॉ. नानाभाऊ पानपट्टे यांनी मानले.