एसडीपीओ संजय पुज्जलवार यांच्या शासकीय वाहनाला अपघात

सह्याद्री न्यूज | प्रशांत चंदनखेडे 

वणी, (३१ ऑगस्ट) : वणीचे उपविभागीय पोलिस अधिकारी यांच्या शासकीय वाहनाला राळेगांव कळंब मार्गावर अपघात झाल्याची घटना काल ३० ऑगष्टला रात्री घडली. यवतमाळ येथे ते कामानिमित्त गेले होते. राळेगाव मार्गे ते वणीला परत येत असतांना त्यांच्या वाहनाला समोरून येणाऱ्या कारने जोरदार धडक दिली. या अपघातात एसडीपीओ व वाहन चालक जखमी झाले आहेत. त्यांना उपचाराकरिता रुग्णालयात दाखल करण्यात आले आहे.

यवतमाळ येथे कामानिमित्त गेलेले वणीचे उपविभागीय पोलिस अधिकारी संजय पुज्जलवार यांच्या शासकीय वाहनाला राळेगांव कळंब मार्गावर अपघात झाला. यवतमाळ येथील काम आटपवून ते राळेगांव मार्गे वणीला येत असतांना त्यांच्या वाहनाला राळेगांव कळंब मार्गावरील सावंगी गावाजवळ जवळ समोरून येणाऱ्या भरधाव कारने जोरदार धडक दिली. अल्पशा विश्रांती नंतर काल पावसाने जिल्ह्यात हजेरी लावली. पाऊस सुरु असल्याने समोरून येणाऱ्या वाहनाचा अंदाज न आल्याने भरधाव कार एसडीपीओ संजय पुज्जलवार यांच्या शासकीय वाहनाला जाऊन भिडली. धडक एवढी जोरदार होती की, शासकीय वाहनाचा पार चुराडा झाला. या अपघातात एसडीपीओ संजय पुज्जलवार व वाहन चालक जखमी झाले आहेत. त्यांना उपचाराकरिता यवतमाळ येथील रुग्णालयात दाखल करण्यात आले आहे.