सह्याद्री चौफेर | ऑनलाईन
वणी : तालुक्यातील ईजासन (गोडगाव) येथे शेतकऱ्याने विषारी औषध घेऊन आत्महत्या करण्याचा प्रयत्न केल्याची घटना शनिवारी दि.3 एप्रिल रोजी घडली होती. या शेतकऱ्याचा उपचारादरम्यान बुधवारी दि.9 एप्रिल रोजी मृत्यू झाला आहे.
बाबाराव जनार्दन गौरकार (वय 58) रा. ईजासन (गोडगाव) असे मयत शेतकऱ्याचे नाव आहे. वणी तालुक्यातील ईजासन शेत शिवारात मागील गुरुवारी त्याने सायंकाळी 6 वाजता विषारी द्रव्य प्राशन केल्यानंतर प्रथमता वणी रुग्णालय येथे प्रथमोपचार करून त्यांना येथीलच एका खाजगी रुग्णालयात हलविण्यात आले होते. तेथे त्यांचे वर उपचार सुरु असताना उपचारादरम्यान बुधवार दि.9 एप्रिल रोजी मृत्यू झाला. घटनेची माहिती वणी पोलीसांना मिळताच पोलिस घटनास्थळी पोहोचले व घटनेचा पंचनामा करून मृतदेह शवविच्छेदनासाठी ग्रामीण रुग्णालयात दाखल करण्यात आला. शवविच्छेदन करून मृतदेह नातेवाईकांच्या ताब्यात देण्यात आल्याचे समजते आहे.
मृतकाचे पाठीमागे पत्नी, एक मुलगा व एक विवाहित मुलगी असल्याची माहिती मिळाली आहे. मात्र, शेतकऱ्याच्या आत्महत्येचे कारण अस्पष्ट आहे.