सह्याद्री चौफेर | ऑनलाईन
वणी : पोलिसांनी गुरुवारी दुपारी दीपक चौपाटी परिसरातील एका बार समोर सार्वजनिक ठिकाणी सुरू असलेल्या झंडी मुंडी जुगार अड्ड्यावर छापा घालून पाच जणांना पकडले. त्यांच्याकडून झंडी मुंडी फ्लेक्स बोर्ड व चार गोटया असा एकूण 5 हजार रुपयांचा मुद्देमाल जप्त केले. याप्रकरणी वणी पोलीस ठाण्यात गुन्हा दाखल करण्यात आला आहे.
शंकर गणपत धंदरे (वय 58) रा. रामपुरा वार्ड वणी, परवेज सय्यद सय्यद तनवीर (वय 22) रा. रंगनाथनगर, अरूण गंगाधर पामपट्टीवार (वय 59) रा. गणेशपुर, हुसेन वामन आत्राम (वय 30) रा. ढाकरी ता.वणी, कवडु गणपत कांबळे (वय 83) रा. लालगुडा, अशी मिळालेल्या आरोपीची नावे आहेत.
करण बार समोरील परिसरात झंडी मुंडी जुगार अड्डा सुरू असल्याची गोपनीय माहिती पोलीस निरीक्षक गोपाल उंबरकर यांना मिळाली. त्यानुसार पोलीस पथकाने गुरुवारी दुपारी 4 ते 4.30 च्या सुमारास सदर ठिकाणी छापा घातला असता वरील पाच जनांना पकडले. त्यांचे कडून पाच हजार रुपयांची साहित्य जप्त केले.त्यांचेविरुद्ध महाराष्ट्र जुगार कायद्यानुसार गुन्हा दाखल करण्यात आला आहे.
सदर ची कार्यवाही उपविभागीय पोलीस अधिकारी गणेश किंद्रे यांचे मार्गदर्शनात पोलीस निरीक्षक उंबरकर यांचे आदेशानुसार पोउपनि. गुल्हाने, पोउपनि. रत्नपारखी, व पोलीस स्टेशन वणी यांच्या पथकाने ही कारवाई केली आहे.