जैताई मंदिरात महाराष्ट्र दिन उत्साहात साजरा

सह्याद्री चौफेर | वृत्तसंस्था 

वणी : महाराष्ट्र दिन, दरवर्षी १ मे रोजी साजरा केला जातो, हा महाराष्ट्रीयन लोकांच्या हृदयात एक विशेष स्थान आहे कारण तो पश्चिम भारतीय राज्याची निर्मिती दर्शवितो. भाषिक आधारावर मुंबई पुनर्रचना कायदा लागू झाल्यानंतर १ मे १९६० रोजी महाराष्ट्र अस्तित्वात आला. हा दिवस महाराष्ट्र राज्याच्या स्थापनेला चिन्हांकित करतो आणि तेथील लोकांमधील एकता आणि आत्मनिर्णयाच्या विजयाचे प्रतीक आहे. महाराष्ट्राच्या मराठी भाषिक राज्याच्या निर्मितीच्या स्मरणार्थ हा दिवस साजरा केला जातो.

याच अनुषंगाने सागर झेप बहुद्देशीय संस्थेतर्फे १ मे महाराष्ट्र दिन रोजी वणी येथील जैताई मंदिरात "मराठी माणसं मराठी अस्मितेला" जपण्यासाठी महाराष्ट्र दिन सांस्कृतिक क्षेत्राच्या माध्यमातून नाट्य व नृत्याद्वारे उत्साहात साजरा करण्यात आला. 

या कार्यक्रमाला माजी नगरसेवक तथा सामाजिक कार्यकर्ते राजू तुरणकर, पोलीस सहाय्यक निरीक्षक प्रसिद्ध वारली चित्रकार शेखर वांढरे, जेष्ठ नाट्य कलावंत अशोक काका सोनटक्के उपस्थित होते. यावेळी सागर मुने दिग्दर्शित "पुस्तकाच्या पानातून" हे बाल नाट्य सादर केले तसेच प्रियंका कोटनाके यांनी मराठी अस्मितेला जपणारे, राज्यातील निवडक गीतांवर व महाराष्ट्र गीतावर उत्कृष्ट नृत्य दिग्दर्शीत करून सर्व उपस्थित रसिकांचे मने जिंकली. 

या प्रसंगी ६ ते १५ वयोगटातील एकूण ३३ मुलामुलींनी अद्भुत नृत्य सादर केले होते. कार्यक्रमाला प्रसिद्ध व्यावसायिक तथा सामाजिक कार्यकर्ते, व भाजपाचे प्रदेश सदस्य विजय चोरडिया, मुन्ना महाराज यांच्या हस्ते सहभागी कलावंतांना सन्मानित करण्यात आले. 

संस्थेद्वारा आयोजित कार्यक्रमाला वणी विधानसभेचे कर्तव्यदक्ष आमदार संजीवरेड्डी बोदकुरवार व जैताई देवस्थानचे सहकार्य लाभले हे विशेष...!