वणीत येणार गौतमी पाटील; जाणून घ्या कधी

सह्याद्री चौफेर | राजू डावे 

वणी : महाराष्ट्राची प्रसिद्ध मराठमोळी लावणी नृत्यांगना गौतमी पाटील येत्या 29 डिसेंबर 2023 रोजी प्रथमच वणी शहरात येणार आहे. पारसमल प्रेमराज ज्वेलर्स प्रस्तुत टी -10 चॅम्पियन क्रिकेट लीग उदघाटन कार्यक्रमासाठी ती वणीत येत आहे. 

याबाबतची माहिती स्वत: गौतमी पाटील हिने व्हिडिओ काढून सोशल मिडियावर शेअर केला आहे. आपल्या लावणीने तरुणाईला भुरळ घालणारी आणि नेहमी चर्चेत राहणारी 'सबसे कातील गौतमी पाटील'च्या लावणीचा जलवा आता वणीत दिसणार आहे. या कार्यक्रमासाठी चोख बंदोबस्त असणार असून तीच्या दिलखेचक अदाकाराचा ठेका स्थानिक शासकीय मैदान (पाण्याची टाकी) येथे थिरकणार आहे.

गौतमी पाटील सध्या आपल्या लावणीमुळे चांगल्याच चर्चेत आहेत. तिच्या अदाकारीची तरुणाई मध्ये तुफान क्रेज देखील आहे. प्रत्येक कार्यक्रमाला तरुणाईची अफाट तोबा गर्दी असते. त्यांनी आजपर्यंत केलेल्या लावणीच्या कार्यक्रमात तरुणाईने धांगडधिंगा घातल्याने अनेक वेळा गौतमी यांचा कार्यक्रम चर्चेत राहिला आहेत.आता ती वणी येथील उदघाटन कार्यक्रमाकरिता व्हिडिओच्या माध्यमातून मी येतेय, तुम्ही पण या असं तिनं आवाहन केलेले आहे. त्यामुळे विदर्भासह वणीतील तीच्या चाहत्यांची उसत्सुकता शिगेला पोहचली आहे.