जड अंतःकरणाने 'त्या' व्यवस्थापकावर करण्यात आला अंत्यसंस्कार

सह्याद्री चौफेर | वृत्तसंस्था 

मारेगाव : मौजा करणवाडी येथील लक्ष्मण रामचंद्र सिदूरकर हे पांढरकवडा येथील केशव नागरी पतसंस्थेत व्यवस्थापक म्हणून कार्यरत होते. गुरुवारी सायंकाळी त्यांनी गावातील 60 फूट पाणी असलेल्या विहिरीत उडी घेऊन आपली जीवन यात्रा संपवली होती. आणि घटनेने वणी उपविभागात एकच खळबळ उडाली.

दरम्यान,मृतकाने सुसाईड नोट लिहून ठेवल्याने या घटनेला वेगळंच वळण आले आणि पत्नी व नातेवाईकांनी चक्क आरोपीना पकडल्याशिवाय आम्ही मृतदेह ताब्यात घेणार नाही व अंत्यसंस्कार करण्यासाठी नकार देत सकाळपासून ग्रामीण रुग्णालयात वातावरण तापले होते. तत्पूर्वी गुरुवार ला गावातील विहिरीतून मृतदेह काढण्यासाठी शर्थीचे प्रयत्न केले गेले, यावेळी घस्थनास्थळी अफाट जणसमुदाय त्यांना बघण्यासाठी जमा झाला होता.

या दुःखद घटनेतील मृतकाचा मृतदेह ग्रामीण रुग्णालय येथे दाखल केला. शुक्रवारी दुपारी 1 वाजता शवविच्छेदन होऊन तसाच ठेवला होता, काही जवळच्या मंडळींनी घटनेसंदर्भात ठाणेदार यांना पाचारण करून विविधांगी चर्चा करत वातावरण निवळले. परंतु तीन दिवसाचा पोलिसांना अल्टीमेटम दिल्या नंतरच शुक्रवारी दुपारी 3.12 वाजेपर्यंत मृतदेह ताब्यात घेऊन लक्ष्मण च्या पार्थिवावर अंत्यसंस्कार करण्याचा निर्णय घेत, गावाकडे करणवाडी कडे रवाना होत जड अंतःकरणाने लक्ष्मण यांचे पार्थिवावर स्थानिक स्मशानभूमीत अंत्यसंस्कार करण्यात आला.

मात्र, हे प्रकरण काही काळ शांत झाल्याचे चित्र जरी असले, तरी पत्नीने पोलिसात दिलेल्या तक्रारीवरून पतसंस्थेचे शाखा अध्यक्ष, सचिव, कार्यकारी अधिकारी तिघेही रा.वणी या तिघांनी संगनमत करून आत्महत्येस प्रवृत्त केल्याचे गुन्हे दाखल त्यांच्या वर करण्यात आले. त्यामुळे पांढरकवडा पतसंस्थेत व्यवस्थापक असलेले लक्ष्मण सिदूरकर यांच्या आत्महत्येस जबाबदार असणाऱ्या सुसाईड नोट मध्ये नमूद संशायित आरोपीना पकडण्यासाठी पोलिसांसमोर मोठे तगडे आव्हान आहे.