डांबरी रस्त्याला तीन महिन्यात भेगा; कंत्राटदारावर प्रश्न

सह्याद्री चौफेर | कुमार अमोल 

मारेगाव : किन्हाळा भागातील एका रस्त्याचे डांबरीकरण झाले. मात्र, दोन ते तीन महिन्यातच या डांबरी रस्त्याला अनेक ठिकाणी भेगा गेल्याचे दिसत आहे. यावरून हे काम निकृष्ट दर्जाचे झाल्याचा नागरिकांची ओरड आहे. एवढेच नव्हेतर यासंदर्भात त्यांनी या दोन किलोमीटर रस्त्याच्या कामात गावाजवळ एक ते दिड किलोमीटर पर्यंत तीन लेयर टाकण्यात आले असून गावाच्या बाहेर काही अंतरावर दोन लेयर टाकून कंत्राटदार मोकळे झाले असून संबंधित विभागाला याबाबत देखील तोंडी तक्रारी केल्या आहेत. मात्र, कुणीही याकडे लक्ष दिले नसल्याचे नागरिकांनी सांगितले. थातूर मातुर काम केल्याने या नुकत्याच काम केलेल्या रस्त्याला भेगा गेल्या संबंधित ठेकेदाराने केलेले काम निकृष्ट दर्जाचे केल्यानेच या रस्त्याला ठिक ठिकाणी तडा गेल्या याची चर्चा किन्हाळा परिसरात होत आहे.

मारेगाव ते मार्डी कडे जाण्यासाठी किन्हाळा येथील हा रस्ता महत्त्वाचा असल्याने; मारेगाव-मार्डी कडे जाण्यासाठी हजारो लोकांची या रस्त्यावरून दररोज वाहने जात असल्याने दोन महिन्या अगोदर या रस्त्यासाठी डांबरीकरण केले; परंतु रस्त्याचे काम होऊन दोन ते तीन महिने देखील उलटले नाहीत तोच या सिमेंट रस्त्याला अनेक ठिकाणी भेगा (चिरा) गेल्या असून, या रस्ताचे काम निकृष्ट दर्जाचे झाले आहे. संबंधित ठेकेदाराचे पितळ उघडे पडले असून, या ठेकेदाराला आशीर्वाद कुणाचा अशी भावना वाहनधारक व्यक्त करीत आहे.

मारेगाव ते मार्डी या मार्गांवरील किन्हाळा दरम्यान झालेल्या डांबरी रस्त्याला अनेक ठिकाणी तडे गेले. यात किन्हाळा 2 किलोमीटर मध्ये गावापासून काही अंतरा पर्यंत ठेकेदाराने केलेल्या कामाला जास्त ठिकाणी तडे गेले आहेत. 'आता संबंधित विभाग' या चिरा पडलेल्या ठिकाणे नवीन करणार का? असा प्रश्न वाहनचालकांना पडला आहे.