सह्याद्री चौफेर | वृत्तसंस्था
बंदी नामे दिपक यशवंत पुणेकर रा. छोरीया ले-आउट गणेशपुर (ता. वणी) असे नागपुर मध्यवर्ती कारागृहाकडुन कारोना आकस्मिक अभिवचन रजेवरुन फरार असलेल्या बंदयाचे नाव आहे.
मागील काही दिवसांपूर्वी नागपुर मध्यवर्ती कारागृहाकडुन कारोना आकस्मिक अभिवचन रजेवरुन फरार असलेल्या बंदयाची माहिती स्थानिक गुन्हे शाखेला प्राप्त झाली होती. स्थानिक गुन्हे शाखेकडील पथक वणी उपविभागात अशा आरोपीतांचा शोध घेत असतांना नागपुर मध्यवर्ती कारागृहातुन कारोना आकस्मिक अभिवचन रजेवरुन फरार असलेला बंदी नामे दिपक पुणेकर रा. छोरीया ले-आउट हा वणी परिसरातील असल्याने त्याचे बाबत माहिती घेतली असता त्याचे विरुध्द पो.स्टे. राजुरा जि. चंद्रपुर येथे भादवी कलम 224 प्रमाणे गुन्हा नोंद असल्याची माहिती प्राप्त झाली. तो नागपुर मध्यवर्ती कारागृहातुन कोरोना आकस्मीक अभिवचन रजेवरून फरार असल्याचे नागपुर कारागृहाकडुन प्राप्त माहिती वरुन निदर्शनात आल्याने सदर बंदयाचा शोध घेतला असता तो त्याचे राहते घरी मिळुन आला. त्यास पुढील कारवाई कामी पो.स्टे. राजुरा जि. चंद्रपुर यांचे ताब्यात देण्यात आले आहे.
सदरची कारवाई सपोनि अमोल मुडे, पोउपनि योगेश रंधे, योगेश डगवार, सुनिल खंडागळे, सुधिर पांडे, सुधिर पिदुरकर, निलेश निमकर, रजनिकांत मडावी, सतिश फुके सर्व स्थानिक गुन्हे शाखा यवतमाळ यांनी यशस्वीरित्या पार पाडली आहे.