सह्याद्री चौफेर | कुमार अमोल
सूत्राच्या माहितीनुसार मुकुटबन ते वणी या मार्गांवर काही कोळशाची अवैध जड वाहतूक करित असल्याची गोपनीय माहिती ठाणेदार प्रदीप शिरस्कर यांना मिळाली. बुधवार दि.11 जानेवारी रोजी स्थानिक गुन्हे शाखा व वणी पोलीस स्टेशन टीम यांनी सापळा रचला आणि वणी मुकुटबन पेटूर जवळ या अवैध जड वाहतूक करणाऱ्या वाहणाची चौकशी सुरू केली असता काही वाहन अवैध वाहतूक करित असल्याचे पोलीस तपासात आढळून आले.
यात एम एच ४० बिजी २६५८, एम एच ३४ बिझेड २५२८, एम एच ३१ सीक्यू ४७५२, एम एच ३४ बिझेड २५२९, एम एच ४० बिजी ०२६०, एम एच २९ बि ई ४०८९, एम एच ३४ बिजी २४७८, एम एच ३१ सिक्यू ७४६६ या क्रमांकाच्या वाहणाचा समावेश आहे. या वाहनधारकांकडे कोणतेही कोळशा संबंधित वैध कागदपत्रे नसल्याने सदर वाहन डिटेन करून पोप्रस कलम ४१ (१) (ड) प्रमाणे कारवाई करण्यात आली. या कारवाई दरम्यान, वाहनामध्ये अंदाजे २०,८०,०००/- रुपयाचा कोळसा व वाहणाची अंदाजे किंमत २,२१,००,०००/-असा एकूण २,४१,८०,०००/- रुपयांचा मुद्देमाल जप्त करण्यात आला.
सदरची कारवाई डॉ पवन बनसोड पोलीस अधीक्षक यवतमाळ, मा पियुष जगताप अप्पर पोलीस अधीक्षक यवतमाळ, मा संजय पूज्जलवार उपविपोअ वणी, ठाणेदार प्रदीप शिरस्कर, पोनि प्रदीप परदेशी स्थागुशा यांच्या मार्गदर्शनाखाली सहाय्यक पोलीस निरीक्षक माधव शिंदे, अमोल मुडे, उल्हास कुरकुटे, सुनील खंडागळे, सुधीर पांडे, महेश नाईक, सुधीर पिदूरकर, सतीश फुके, हरिन्द्र भारती, वसीम शेख, सुरेश किनाके यांनी केली.
