सह्याद्री चौफेर | विवेक तोडासे
मारेगाव : प्रतिष्ठेची समजली जाणारी मार्डी ग्रामपंचायत निवडणुकीची प्रक्रिया आज शांततेच्या वातावरणात पार पडली. गावाची एकूण स्त्री-पुरुष मतदार संख्या १५३६ असून त्यापैकी १२४४ मतदारांनी आपल्या मतदानाचा हक्क बजावला. मतदानाची टक्केवारी ८०.९८ % अशी आहे. त्यापैकी प्रभाग क्रमांक १ मध्ये ३३६, प्रभाग क्रमांक २ मध्ये ४५० तर प्रभाग क्रमांक ३ मध्ये ४५८ मतदारांनी मतदानाचा हक्क बजावला आहे.
सरपंच पदाची निवडणूक थेट जनतेतून असल्याने त्या पदाकरिता एकूण ५ उमेदवार रिंगणात उभे असून आणि २१ उमेदवार सदस्य पदाकरिता उभे होते. अत्यंत चुरशीच्या निवडणुकीत मतदारांनी आपापल्या वेळेनुसार येऊन आपल्या मतदानाचा हक्क बजावला.
झालेल्या एकुण मतदानाचे आपल्याला किती मत आणि विरोधी पक्षाच्या उमेदवाराला किती मत याचे गणितीय आकडेमोड करण्याला सुरुवात केली आहे. येत्या २० तारखेला मतमोजणी होणार आहे, तत्पूर्वी सर्व उमेदवारांचे भाग्य मशीन बंद झाले आहे.