इंधन दरवाढी विरोधात काँग्रेस कमिटीने केला गॅस व दुचाकीला हार घालून भाजप सरकार चा निषेध!

रवि घुमे | सह्याद्री चौफेर 

मारेगाव : दिवसेंदिवस पेट्रोल-डिझेलची दरवाढ. आज बघता पेट्रोल आणि डिझेलच्या दरात कमालीची वाढ होत आहे. आठवड्याभरात इंधनात भरमसाठ दरवाढ! तसेच घरगुती गॅसचे दर गगनाला भिडत असल्याने केंद्रातील मोदी सरकार चा काँग्रेस च्या वतीने मारेगाव येथे जाहीर निषेध करण्यात आला.

भारतीय राष्ट्रीय काँग्रेस च्या नेत्या सोनिया गांधी, खासदार राहुल गांधी यांच्या संकल्पनेतून प्रदेशाध्यक्ष नानाभाऊ पटोले यांच्या आदेशावरून जिल्हा अध्यक्ष वजाहत मिर्जा यांचे सूचनेनुसार माजी आमदार वामनराव कासावार यांचे मार्गदर्शनात काँग्रेस चे नेते नरेंद्र पाटील ठाकरे व अरुणाताई खंडाळकर यांच्या उपस्थितीत मारेगाव तालुका काँग्रेस कमिटीतर्फे दुचाकी व गॅस सिलेंडर ला हार घालून निदर्शने करीत भाजप सरकार चा जाहीर निषेध करण्यात आला.

(जाहिरातसाठी संपर्क -7218187198)

केंद्रातील भाजप सरकारने सर्व जीवनावश्यक वस्तू सह पेट्रोल, डिझेल, गॅस, खाद्य तेलाचे भाव वाढवून देशातील नागरिकांचे अक्षरशः बेहाल करून जीवन जगणे कठीण केले आहे. मोदी सरकारला जनतेचे काही देणे घेणे नसून खोटे बोलून सत्ता हस्तगत करणे, केवळ हाच उद्देश भाजप सरकारचा असल्याचा आरोपही तहसीलदार यांना दिलेल्या निवेदनातून काँग्रेस कमेटी ने केला आहे. सलग पेट्रोल, डिझेल तसेच घरगुती गॅस चे भाव गगनाला भिडत असल्यामुळे माता भगिनींना संसार चालविणेही आता कठीण झाले. केंद्र सरकारने त्वरित या जीवनावश्यक वस्तुंचे भाव कमी करावे असे न केल्यास काँग्रेस कमेटी च्या वतीने देशव्यापी आंदोलन छेडण्यात येईल असा ईशाराही मारेगाव तालुका काँग्रेस कमेटी च्या वतीने तहसीलदार यांना दिलेल्या निवेदनामार्फत मोदी सरकारला देण्यात आला आहे.

यावेळी कृ.उ.बा.स.मारेगाव चे सभापती नरेंद्र पाटील ठाकरे,जि. प.सदस्या अरुणाताई खंडाळकर, जेष्ठ नेते शकील अहेमद शकील कुरेशी, कृ. उ.बा.स.चे उपसभापती वसंत आसुटकर, जिल्हा सरचिटणीस रमण डोये, तालुका अध्यक्ष मारोती गौरकार, शहर अध्यक्ष तथा स्वीकृत नगरसेवक शंकरराव मडावी, वसंत जिनिंग चे संचालक उदय रायपुरे, सरपंच तुळशीराम कुमरे, उपसरपंच प्रफुल विखनकर आदीसह काँग्रेस कमेटीचे पदाधिकारी व कार्यकर्ते उपस्थित होते.