चंद्रपूरातील मुख्य मार्गावरील 'आप'च्या जनसंपर्क कार्यालयाचे अज्ञातांनी फाडले बॅनर

सह्याद्री न्यूज | किरण घाटे 

चंद्रपूर, (७ ऑक्टो.) : चंद्रपूर शहरातील आम आदमी पक्षाचे युवा जिल्हाध्यक्ष मयूर राईकवार यांनी नुकतेच काही दिवसां पूर्वी जनतेच्या समस्यांची सोडवणुक करण्यांकरिता नागपूर मार्गावरील त्यांच्या निवासस्थानी जनता समस्या निवारण जनसंपर्क कार्यालय आरंभ केले होते.

या कार्यालयाच्या माध्यमातून ते या परिसरातील व जिल्ह्यातील नागरिकांच्या समस्या साेडवित असे युवा जिल्हाध्यक्ष मयूर राईकवार हे जनतेच्या समस्यांचे निराकरण करून देण्याचा देखील प्रयत्न करीत होते. त्यात हॉस्पिटलमधील प्रश्न,पोलीस स्टेशनच्या समस्या, महानगरपालिकेतील समस्या व जिल्हाधिकारी कार्यालयातील समस्या आदींचा समावेश हाेता. आज ही मयूर राईकवार यांचे हे काम नित्यनेमाने सुरु आहे. त्यांचे या कार्यप्रणालीमुळे नागरिक त्यांच्या कार्यालयात प्रत्यक्ष भेट देत होते. साहजिकचं लोकांमध्ये आम आदमी पक्षाची लोकप्रियता वाढू लागली होती मयूर राईकवार हे त्यांच्या प्रभागातील एक मजबूत दावेदार आहेत. त्यांच्या काम करुन देण्यांच्या शैली मुळे त्यांची लोकप्रियता जनतेत वाढत आहे. हीच लोकप्रियता नेमकी विरोधकांना खटकत आहे. म्हणून त्यांनी मध्यरात्री काही समाज कंटकांकडून कार्यालया समोरील प्रमुख बॅनर फाडले.

या घटनेमुळे आम आदमी पक्षाने सोशल मीडीयावर आपली तीव्र नाराजी व्यक्त करत जिल्हाध्यक्ष सुनिल मुसळे यानी म्हटले आहे की बॅनर फाडुन विरोधी पक्षाने आम्हाला आमच्या कामाचे प्रमाणपत्र दिले आहे. मयूर राईकवार यांनी बॅनर फाडण्याची सुपारी देणाऱ्या लोकांना असा संदेश दिला आहे की, जर वारच करायचा असेल तर, छातीवर करा मागे करू नका ! मी एका क्रांतिकारी चळवळीतुन आलेला कार्यकर्ता आहे. म्हणून मी कुणाला भित नाही बॅनर फाडून तुम्ही जनतेच्या कार्यालयाचे नुकसान केले आहे ज्या कार्यालयातून नागरीकांना सहकार्य व त्यांच्या समस्या सुटत होत्या ते कार्यालय तुम्ही बंद करण्याचा प्रयत्न केला आहे.

आम आदमी पक्ष हा सुड बुध्दीने किंवा बदला घेण्याच्या भावनेने बनलेला पक्ष नाही तर, वेळाेवेळी सर्व सामान्य जनतेचे प्रश्न साेडविणारा ताे एक पक्ष आहे.