चंद्रपूरात पार पडला सत्यशोधक पद्धतीने विवाह सोहळा

सह्याद्री न्यूज | कुमार अमोल 

चंद्रपूर, (०७ सप्टें.) : लग्न म्हटलं कि सर्व रूढी परंपरा पार पडल्या जातात. मात्र, चंद्रपूर शहरात लग्नाच्या सर्व रूढी परंपरांना फाटा देत सत्यशोधक पद्धतीने एक अनोखा लग्न सोहळा पार पडला. मंगलाष्टक ऐवजी फुलांच्या अक्षता, पुस्तकांच्या भेट, साऊ जोती असा आगळा वेगळा विवाह चंद्रपूर संपन्न झाला.

सामाजिक हिताचे उपक्रम राबवून समाजालानेत्रदान, वृक्षारोपण तसेच नागरिकांना कोविड -19 काळातील जनजागृती याबद्दल चे महत्व कळावे म्हणून एक आगळा वेगळा विवाह सोहळा चंद्रपूर शहरात पार पडला.या विवाह सोहळ्यात अनेक सामाज उपयोगी उपक्रम राबविण्यात आले. जळगाव जिल्ह्यातील रावेर येथील रोशन भास्कर रावेरकर आणि चंद्रपूर येथील स्वेता दिनेश कोवे यांचा विवाह निश्चित झाला. पण हा विवाह सोहळा सत्यशोधक पद्धतीने करण्याच्या निर्णय दोन्ही नवदाम्पत्यांनी घेतला. या उच्चशिक्षित जोडप्यांनी सर्व रूढी परंपरांना बाजूला सारत महात्मा ज्योतीला फुले यांनी दिलेल्या सत्यशोधक विवाह पद्धतीच्या मार्गाने नव्या संसाराची सुरुवात करत पोलीस सभागृह, चंद्रपूर येथे हा विवाह सोहळा संपन्न झाला.

महात्मा ज्योतिबा फुले, सावित्री बाई फुले, आदिवासिंचे जननायक बिरसा मुंडा, बाबुराव शेडमाके व हिराई यांच्या प्रतिमांना पुष्पहार अर्पण करून लग्न विधीच्या कार्याला सुरुवात झाली. दोन्ही नवदांम्पत्यांनी नेत्रदानाचा संकल्प केला. वृक्षारोपण तसेच कोरोना संकटाच्या पार्श्वभूमीवर या विवाहाच्या निमित्ताने पत्रके वाटून कोरोना संकटाच्या जनजागृती चा सामाजिक संदेशही देण्यात आला.

यावेळी जिल्हा नेत्र शल्य चिकित्सक डॉ. जी एल दुधे, नेत्रदान समुपदेशक योगेंद्र इंदोरकर, प्रसिद्ध विचारवंत दिलीप सोळंके, अफ्रोट चे जिल्हाध्यक्ष विजय कुमरे, धीरज मेश्राम, अनिसचे जिल्हा संघटक अनिल दहागावकर इत्यादी मान्यवर उपस्थित होते.