एआयएमआयएम च्या वणी युवा शहर अध्यक्षपदी शादाब अहमद यांची निवड

सह्याद्री न्यूज | प्रशांत चंदनखेडे 

वणी, (०४ ऑगस्ट) : एआयएमआयएम (ऑल इंडिया मजलिस ए ऐतेहादुल मुस्लिमीन) च्या वणी युवा शहर अध्यक्षपदी येथील शादाब अहेमद यांची तर शहर अध्यक्षपदी मो. आसीम हुसैन यांची निवड करण्यात आली आहे. औरंगाबादचे खासदार व एआयएमआयएम चे महाराष्ट्र प्रदेश अध्यक्ष इम्तियाज जलील यांच्या आदेशानुसार त्यांची ही निवड करण्यात आली आहे. यावेळी घेण्यात आलेल्या निवड सभेत एआयएमआयएम चे महाराष्ट्र प्रदेश कार्याध्यक्ष डॉ. अब्दुल गफ्फार कादरी व महाराष्ट्र प्रदेश सचिव फिरोज लाला प्रामुख्याने उपस्थित होते. खासदार इम्तियाज जलील यांच्या हस्ते शादाब अहमद व मो. आसीम हुसैन यांना नियुक्तीपत्र देऊन संघटनेचे कार्य वाढविण्यासंदर्भात मार्गदर्शन करण्यात आले. तसेच संघटनेची योग्यरीत्या वाटचाल सुरु ठेवावी अशा उपस्थितांमधून मनोकामना व्यक्त केल्या.