सह्याद्री चौफेर | ऑनलाईन
वणी : वणी पोलीस स्टेशन अंतर्गत येत असलेल्या राजुर (कॉलरी) येथे एका इसमाने आत्महत्या केल्याची घटना आज शनिवारी सकाळी सहा वाजताच्या सुमारास उघडकीस आली.
रियाज अहमद वाट्या शाह (वय 41) असे गळफास लावून आत्महत्या केलेल्या मृतकाचे नाव आहे.आज शनिवारी 6 सप्टेंबर रोजी सकाळी सहा वाजताचे सुमारास 'रियाज'ने आपल्या राहत्या घरी गळफास लावला. या घटनेची माहिती पोलिसांना मिळताच पोलिस घटनास्थळी दाखल होऊन घटनेचा पंचनामा केला व मृतदेह शवविच्छेदनासाठी ग्रामीण रुग्णालयात पाठविण्यात आला. शवविच्छेदनानंतर मृतदेह नातेवाईकांच्या ताब्यात देण्यात आले. रियाज याने जीवन का संपवले याचे कारण अद्याप अस्पष्ट असून पुढील तपास पोलीस करत आहे.
मृतक रियाज यांच्या पश्चात पत्नी, व पाच मुले असा बराच आप्त परिवार आहे.