सह्याद्री चौफेर | ऑनलाईन
पांढरकवडा : देवधारी शिवारात कोलाम समाजाचे शेतकरी लाखामा लक्ष्मण तुमकोड यांच्या मालकी हक्काच्या शेतात पाळीव जनावरे घेवून राहतात दिनांक 3/१/२०२५ रात्री अचानक बिबट्या वाघाने पाच बकरी वर हमला करुन पाचही बकऱ्या ची शिकार केली असल्याचा धक्कादायक प्रकार देवधरी भागात घडल्यामुळे दहशतीचे वातावरण निर्माण झाले.
या वेळीं शामादादा कोलाम ब्रिगेड च्या प्रदेश अध्यक्षा सौ इंदिरा बोंदरे यांना महिती मिळताच त्यांनी कार्यकर्त्याचा ताफा घेवून घटनास्थळी भेट घेतली व कोलाम समाजाच्या शेतकऱ्यांना जगण्याचा जोर दिला शामादादा कोलाम ब्रिगेड चे कृष्णा मडावी यांनी घटना स्थळावरून वन रक्षक वंदना मेश्राम यांच्याशी संपर्क साधून महिती दिली व वन विभागाकडून पंचनामा करुन पुढील कारवाई करण्याचे आश्वासन वन रक्षक वंदना मेश्राम यांनी दिली.
जंगलाला लागून आसलेल्या शेतकऱ्याच्या जमिनी सुरक्षित कश्या राहतील,शेतकऱ्याच्या पाळीव जनावर सुद्धा सुरक्षित राहावे यासाठी लवकरच वन परिक्षेत्र अधिकारी यांची भेट घेवून तुम्हाला सुद्धा लवकरच आर्थिक मदत करण्यासाठी प्रयत्न करणार असल्याचे आश्वासन सौ इंदिरा बोंदरे यांनी दिले यावेळी सौ गिर्जाबाई लाखमा तूमकोड यांनी इंदिरा बोंदरे यांचे तोंड भरून कौतुक करुन कोलाम समाजाच्या सुखा दुःखात सहभागी होत राहा संपूर्ण कोलाम समाज शामादादा कोलम ब्रिगेड च्या पाठीमागे उभा राहण्याची समाजाला विनंती केली त्यावर सौ इंदिरा बोंदरे यांनी कोलाम समाजाला संघटित होण्याचे आव्हान केले.