वणीत अनुलोम मेळावा संपन्न

सह्याद्री चौफेर | वृत्तसंस्था 

वणी : अनुगामी लोकराज्य महाभियान अनुलोम भाग वणी च्या वतीने सोमवार दिनांक ३० सप्टेंबर २०२४ रोजी येथील शेतकरी मंदिराच्या सभागृहात अनुलोम मित्र मेळावा आयोजित करण्यात आला होता. या कार्यक्रमाचे उदघाटन आमदार संजिवरेड्डी बोदकूरवार यांच्या हस्ते करण्यात आले. 

या मेळाव्याला संबोधित करताना आ.बोदकुरवार यांनी म्हणाले की, अनुलोम संस्थेचे उद्देश म्हणजे शासनाच्या योजना जनतेपर्यंत पोहोचवण्याच काम अनुलोमच्या माध्यमांतून केले जाते. प्रगतशील समाजापर्यंत पोहचून त्यांच्या समस्या त्यांचे प्रश्न सोडवण्याचे प्रयत्न अनुलोम करित असून समाजातील प्रत्येक घटकांना न्याय देण्याचे काम अनुलोम मित्र करतो आहे,असेही त्यांनी सांगितलं. तर इतरही मान्यवरांनी अनुलोम मित्र परिवाराचं कौतुक केलं.

यावेळी अनुलोम चे विभाग प्रमुख गजानन शिंदे, सहविभाग प्रमुख प्रवीण पोहणे, उपविभाग प्रमुख सुनील दालवनकर,भाग जनसेवक वैभव सूर, भाग समन्वयक वैभव मेहता, तसेच वणी तालुक्यातील अनुलोम ची संपूर्ण टीम, वस्ती मित्र स्थान मित्र व अनुलोम मित्र मोठ्या संख्येने उपस्थित होते.