सह्याद्री चौफेर | वृत्तसंस्था
मारेगाव : तालुक्यातील नरसाळा येथील एका तरुण शेतकऱ्याने बुधवार दि.२५/०९/२०२४ ला सकाळी शेतात जातो असे सांगून शेतात गेला. व तिथे कपाशीवर फवारणी साठी ठेवलेले तणनाशक औषधं प्रशान करून आपले जीवन संपवले. या घटनेने गावात हळहळ व्यक्त होत आहे.
शैलेंद्र सोनबाजी उईके (अंदाजे वय ४०) असे विष प्राशन करून आत्महत्या केलेल्या युवा शेतकऱ्याचे नाव आहे. त्याने शेतातच तणनाशक प्राशन केले, सदर माहिती मिळताच जवळील नातलगांनी त्याला मारेगाव येथील ग्रामीण रुग्णालयात दाखल केले, येथे प्राथमिक उपचार करून त्याला पुढील उपचारासाठी चंद्रपूर येथील शासकीय ग्रामीण रुग्णालयात भरती करून उपचार सुरु होते. मात्र, गुरुवार दि. २६/०९/२०२४ रोजी अंदाजे दुपारी ४:१६ ला त्याची प्राणज्योत मालवली.
शैलेंद्र याने आत्महत्या का केली हे अजूनही अस्पष्ट असून या मृतक शेतकऱ्यांवर अनेक कर्ज असल्याचे गावात चर्चा आहे. त्याच्या पाठीमागे पत्नी व दोन मुली असा आप्त परिवार आहे.