ह.भ.प. युवा किर्तनकार सोपानदादा कनेरकर यांचे 28 सप्टेंबरला वणीत जाहीर व्याख्यान

सह्याद्री चौफेर | वृत्तसंस्था 

वणी : पारसमल प्रेमराज फाउंडेशनच्या वतीने वणी येथे दिनांक 28 सप्टेंबरला दुपारी 1 वाजता शेतकरी मंदिराच्या सभागृहात महाराष्ट्रातील प्रसिद्ध ख्यातनाम वक्ते ह.भ.प. युवा किर्तनकार सोपानदादा कनेरकर यांचा व्याख्यानाचा जाहीर कार्यक्रम आयोजित करण्यात आला आहे. 

युवकांच्या उज्वल भविष्याकरिता मार्गदर्शन व पालकांची भूमिका या विषयावर हे जाहीर व्याख्यान होणार असून या व्याख्यानाचा लाभ वणी उपविभागातील विद्यार्थी, युवक युवतींनी तसेच पालकांनी घ्यावा, असे कळकळीचे आवाहन भाजपचे राज्य कार्यकारणी सदस्य विजय चोरडिया यांनी केले आहे.

लाखो युवकांचे प्रेरणास्थान सोपानदादा कनेरकर हे आपल्या प्रबोधनातून विद्यार्थी, युवक युवतींना व पालकांना भगवद्गीतेद्वारे आवडेल अशा वाणीतून ते यशाचा कानमंत्र देतात. त्यांच्या व्याख्यानाला मोठ्या प्रमाणात गर्दी असते. वणी विधानसभा क्षेत्रातील जनतेसाठी सोपानदादा कनेरकर यांचे व्याख्यान म्हणजे एक पर्वणीच असणार आहे.